'ரெமோ'வில் இணைந்த சிவகார்த்திகேயனின் ராசியான ஜோடி
- IndiaGlitz, [Thursday,June 30 2016]
சிவகார்த்திகேயன் நடித்துள்ள 'ரெமோ' படத்தின் படப்பிடிப்புகள் முடிவடைந்து டப்பிங் உள்பட போஸ்ட் புரடொக்ஷன்ஸ் பணிகள் நடைபெற்று வருவதை ஏற்கனவே பார்த்தோம். இந்த படத்தின் நர்ஸ் கெட்டப் பர்ஸ்ட்லுக் சமீபத்தில் வெளியாகி மாபெரும் வரவேற்பை பெற்ற நிலையில் நாளை சிங்கப்பூரில் 'செஞ்சிட்டாளே' சிங்கிள் பாடல் ரிலீஸ் ஆகவுள்ளது.
இந்நிலையில் சிவகார்த்திகேயனின் ராசியான ஜோடியா ஸ்ரீதிவ்யா இந்த படத்தில் சிறப்பு தோற்றத்தில் நடித்திருப்பதாக செய்திகள் வெளிவந்துள்ளது. ஏற்கனவே இயக்குனர் கே.எஸ்.ரவிகுமார் இந்த படத்தில் இயக்குனராகவே சிறப்பு தோற்றத்தில் நடித்திருக்கும் நிலையில் ஸ்ரீதிவ்யாவும் இந்த படத்தில் நடிகையாக தோன்றுவதாகவும் அவர் சம்பந்தப்பட்ட காட்சிகள் சமீபத்தில் படமாக்கப்பட்டுள்ளதாகவும் செய்திகள் கிடைத்துள்ளது.
சிவகார்த்திகேயனுடன் ஸ்ரீதிவ்யா ஏற்கனவே 'வருத்தப்படாத வாலிபர் சங்கம்' மற்றும் 'காக்கிச்சட்டை' ஆகிய படங்களில் இணைந்து நடித்துள்ளார். மேலும் தற்போது அவர் 'காஷ்மோரா' படத்தில் நடித்து முடித்துவிட்டு 'சங்கிலி புங்கிலி கதவை தொற' படத்தில் நடித்து வருகிறார்.