రాజ‌కీయాల్లోకి వ‌స్తానంటున్న శ్రీరెడ్డి
- IndiaGlitz, [Sunday,November 17 2019]
క్యాస్టింగ్ కౌచ్ వ్య‌వ‌హారంలో తెలుగు సినిమాల్లో ప్ర‌ముఖంగా విన‌ప‌డిన పేరు శ్రీరెడ్డి. ప‌లువురి తెలుగు, త‌మిళ హీరోలు త‌న‌తో ర‌హ‌స్యంగా గ‌డిపారంటూ ఈమె సంచ‌ల‌న ఆరోప‌ణ‌లు చేసి వార్త‌ల్లో నిలిచింది. తాజాగా ఈమె ఫేస్‌బుక్ ఫేజీలో హీరో, దివంగ‌త క‌రుణానిధి మ‌న‌వ‌డు, స్టాలిన్ రాజ‌కీయ వార‌సుడు ఉద‌య‌నిధి స్టాలిన్ త‌న‌తో ర‌హ‌స్యంగా గ‌డిపాడంటూ న్యూస్ పోస్ట్ చేసింది. ఈ వ్య‌వ‌హారం ఇటు సినీ, అటు రాజ‌కీయ వ‌ర్గాల్లో క‌ల‌క‌లం రేపింది. అయితే ఈ వార్త‌ల్లో నిజం లేదంటూ శ్రీరెడ్డి చెన్నైలో ప్రెస్‌మీట్‌ను నిర్వ‌హించి తెలియ‌జేసింది. ఉద‌య‌నిధిని డైరెక్ట్ ఎప్పుడూ చూడ‌లేద‌ని శ్రీరెడ్డి తెలిపారు.
ఆమె మాట్లాడుతూ ''క‌రుణానిధి కుటుంబంపై గౌర‌వ మ‌ర్యాద‌లున్నాయి. ఉద‌య‌నిధిని నేరుగా చూడ‌లేదు. ఆయ‌న గురించి మెసేజ్ పోస్ట్ చేసిన అకౌంట్ నాది కాదు. నా పేరు ఫేస్ బుక్‌లో చాలా న‌కిలీ ఖాతాలున్నాయి. వీటిపై పోలీసుల‌కు ఫిర్యాదు చేశాను. చిత్ర ప‌రిశ్ర‌మ‌లో చాలా మంది లైంగిక వేధింపుల‌ను ఎదుర్కొంటున్నార‌ని నేను బాహాంట‌గానే చెప్పాను. తెలుగు చిత్ర‌సీమ‌లో నాకు మ‌ద్ద‌తు ద‌క్క‌లేదు. అయితే త‌మిళ చిత్ర‌సీమ‌లో మంచి ఆద‌ర‌ణ ద‌క్కుతుంది. త్వ‌ర‌లోనే ఇక్క‌డ రాజ‌కీయ రంగ ప్ర‌వేశం చేస్తాను. నేను చేసిన త‌ప్పుల‌ను స‌రిదిద్దుకోవాల‌నుకుంటున్నాను. ప్ర‌జ‌ల‌కు సేవ చేయాల‌నుకుంటున్నాను. అయితే ఏ పార్టీలో చేర‌తాన‌నే విష‌యాన్ని ఇప్పుడే చెప్ప‌లేను'' అన్నారు.