ஸ்ரீரெட்டியின் தமிழ்லீக்ஸ் பட்டியலில் இளம் தமிழ் ஹீரோ
- IndiaGlitz, [Monday,July 16 2018]
ஸ்ரீலீக்ஸ் என்ற பெயரில் கடந்த சில மாதங்களாக தெலுங்கு திரையுலகினர் மீது பாலியல் குற்றச்சாட்டுக்களை அடுக்கிய ஸ்ரீரெட்டி கடந்த சில நாட்களாக தமிழ்லீக்ஸ் என்ற பெயரில் கோலிவுட் பிரபலங்கள் மீது பாலியல் புகார்களை கூறி வருகிறார். அவரது புகார் பட்டியலில் முருகதாஸ், ஸ்ரீகாந்த், ராகவா லாரன்ஸ், சுந்தர் சி ஆகியோர்களை அடுத்து தற்போது இளம் நடிகர் சந்தீப் கிஷான் இணைந்துள்ளார்.
இளம் நடிகர் சந்தீப் கிஷானை ஸ்ரீரெட்டி தனது சமூக வலைத்தள பக்கத்தில் கடுமையான வார்த்தைகளில் திட்டி தீர்த்து அவரும் தன்னை ஏமாற்றியவர்களில் ஒருவர் என்று கூறியுள்ளார்.
ஸ்ரீரெட்டி தினந்தோறும் தமிழ் திரையுலக பிரபலங்கள் மீது ஆதாரம் இல்லாமல் குற்றஞ்சாட்டி வருவதால் நடிகர் சங்கம் உடனடியாக நடவடிக்கை எடுக்க வேண்டிய தருணமாக இது பார்க்கப்படுகிறது. ஏற்கனவே நடிகர் சங்க செயலாளர் விஷால் இதுகுறித்து ஸ்ரீரெட்டிக்கு எச்சரிக்கை விடுத்துள்ளார். இருப்பினும் ஸ்ரீரெட்டியின் பட்டியல் தொடர்ந்து கொண்டிருப்பதால் விரைவில் சட்டரீதியிலான நடவ்டிக்கை எடுக்கப்படும் என எதிர்பார்க்கப்படுகிறது.