'எல்.கே.'ஜி' படத்துடன் கனெக்சன் ஆனது 'கோமாளி'
- IndiaGlitz, [Tuesday,July 23 2019]
ஜெயம் ரவி நடித்த 'கோமாளி' திரைப்படம் வரும் ஆகஸ்ட் 15ஆம் தேதி வெளியாகவிருக்கும் நிலையில் இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது. மேலும் இந்த படத்தின் வியாபாரமும் கடந்த சில நாட்களாக நடைபெற்று வந்த நிலையில் தற்போது இந்த படத்தின் தமிழக ரிலீஸ் உரிமையை பெற்ற நிறுவனம் குறித்த தகவல் வெளிவந்துள்ளது
'கோமாளி' திரைப்படத்தின் தமிழக ரிலீஸ் உரிமையை ஸ்ரீசக்தி பிலிம் பேக்டரி நிறுவனம் பெற்றுள்ளது. இந்த நிறுவனம் ஏற்கனவே ஆர்ஜே பாலாஜி நடித்த 'எல்.கே.ஜி' படத்தின் தமிழக ரிலீஸ் உரிமையை பெற்றது என்பதும் இந்த இரண்டு படங்களையும் ஐசரி கணேஷின் வேல்ஸ் இண்டர்நேசனல் நிறுவனம் தயாரித்த படங்கள் என்பதும் குறிப்பிடத்தக்கது
ஜெயம் ரவி, காஜல் அகர்வால், சம்யூக்தா ஹெக்டே, கேஎஸ் ரவிகுமார், யோகிபாபு, உள்ளிட்ட பலர் நடித்துள்ள இந்த படத்தை பிரதீப் ரங்கநாதன் இயக்கியுள்ளார். ஹிப்ஹாப் தமிழா ஆதி இசையில் ரிச்சர்ட் நாதன் ஒளிப்பதிவில் பிரதீப் ராகவ் படத்தொகுப்பில் உருவாகியுள்ள இந்த படம் ரிலீசுக்கு முன்னரே பெரும் எதிர்பார்ப்பை ஏற்படுத்தியுள்ளது