close
Choose your channels

முதல்வர் வேட்பாளர் கமல்தான்: இணைப்புக்கு முன்னரே பிரபல நடிகையின் சர்ச்சைக்கருத்து

Wednesday, November 20, 2019 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

கமல்ஹாசன் மற்றும் ரஜினிகாந்த் ஆகிய இருவரும் ஒரே நேரத்தில் அரசியல் களத்தில் குதித்துள்ளனர். கமல்ஹாசன் கட்சி ஆரம்பித்து களப்பணிகள் செய்து வருகிறார். ரஜினிகாந்த் கட்சி ஆரம்பிக்க அனைத்து பணிகளையும் முடித்து தயார் நிலையில் உள்ளார்.

இந்த நிலையில் அதிமுக, திமுக என இரண்டு திராவிட கட்சிகளின் கூட்டணியை சமாளிக்க ரஜினி, கமல் இருவரும் இணைந்து செயல்பட வேண்டும் என்று இருதரப்பிலும் உள்ள சிலர் கூறி வந்ததை அடுத்து தற்போது இருவரும் இணைய ஆரம்பகட்ட பேச்சுவார்த்தை நடத்தப்பட்டு வருகிறது.

இந்த நிலையில் நடிகையும், மக்கள் நீதி மய்யம் கட்சியின் உயர்நிலைக்குழு உறுப்பினருமான ஸ்ரீப்ரியா கமல், ரஜினி இணைப்பு குறித்து கூறியபோது, ‘கமல், ரஜினி இணைந்தால் கமல்தான் முதல்வர் வேட்பாளராக வேண்டும் என்பது எனது எண்ணம்’ என்று கூறியுள்ளார். ஸ்ரீப்ரியாவின் இந்த கருத்து இரு தரப்பினர்களிடையே சலசலைப்பை ஏற்படுத்தியுள்ளது.

கமல், ரஜினி இருவரும் இணைந்து தேர்தலை சந்தித்து, ஆட்சியை பிடித்த பின்னர் பேச வேண்டியதை இணைப்புக்கு முன்னரே பேசி இணைப்புக்கு முட்டுக்கட்டை போடும் வகையில் ஸ்ரீப்ரியா கருத்து தெரிவித்துள்ளார் என்று பெரும்பாலானோர் விமர்சனம் செய்து வருகின்றனர்.
 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.