ముగ్గురు హీరోలతో రాజమౌళి...ఎవరా ముగ్గురు..!
- IndiaGlitz, [Wednesday,July 12 2017]
'బాహుబలి2' తర్వాత రాజమౌళి చెయ్యబోయే సినిమా ఏమిటి అనే ప్రశ్నకు అందరికీ సమాధానం కావాలి. అతని నెక్స్‌ట్‌ సినిమాకి సంబంధించి రకరకాల ఊహాగానాలే తప్ప అసలు విషయం మాత్రం బయటికి రావడంలేదు. ఎట్టకేలకు ఒక వార్త మాత్రం నిజమని తెలుస్తోంది. అదేమిటంటే రాజమౌళి ఈసారి ముగ్గురు హీరోలతో సినిమా చేసే ఆలోచనలో వున్నాడట.
'బాహుబలి2'తో జాతీయ స్థాయిలో మార్కెట్‌ పెంచుకున్న రాజమౌళి తన నెక్స్‌ట్‌ సినిమాని తెలుగు, తమిళ్‌, హిందీ భాషల్లో చెయ్యడానికి రంగం సిద్ధం చేసుకుంటున్నాడని సమాచారం. ఒక హీరో, ఒక భాష మీదే ఆధారపడకుండా మూడు భాషలకు చెందిన ముగ్గురు హీరోలతో సినిమా చేస్తాడని తెలుస్తోంది. ఈ విషయంలో రాజమౌళి ఎలాంటి క్లారిటీ ఇవ్వకపోయినా ముగ్గురు హీరోలతో సినిమా చెయ్యాలన్న ఆలోచన రాజమౌళికి వుందని సన్నిహిత వర్గాల ద్వారా తెలుస్తోంది.