எஸ்.எஸ்.ராஜமெளலியின் அடுத்த படத்தில் இரண்டு சூப்பர் ஸ்டார்கள்
- IndiaGlitz, [Sunday,November 19 2017]
பிரமாண்ட இயக்குனர் எஸ்.எஸ்.ராஜமெளலியின் 'பாகுபலி' மற்றும் பாகுபலி 2' ஆகிய படங்கள் உலக அளவில் சூப்பர் ஹிட் ஆகி வசூலில் சாதனை புரிந்தது. இந்த நிலையில் அவருடைய அடுத்த படம் என்னவாக இருக்கும், அந்த படத்தின் ஹீரோ யார்? போன்ற கேள்விகள் கடந்த சில மாதங்களாக எழுந்து வந்த நிலையில் தற்போது அந்த கேள்விக்கு விடை கிடைத்துள்ளது.
எஸ்.எஸ்.ராஜமெளலி இயக்கவுள்ள அடுத்த படத்தில் தெலுங்கு திரையுலகின் இரண்டு முன்னணி நடிகர்கள் முக்கிய வேடங்களில் நடிக்கவுள்ளனர். ராம்சரண்தேஜா மற்றும் ஜூனியர் என்.டி.ஆர் ஆகிய இருவர்கள் தான் அவர்கள் என்பது குறிப்பிடத்தக்கது. இவர்களில் ராம்சரண்தேஜா ஏற்கனவே ராஜமெளலி இயக்கிய 'மாவீரன்' படத்தில் நடித்தவர் என்பது குறிப்பிடத்தக்கது.
தெலுங்கு திரையுலகின் இரு சூப்பர் ஸ்டார்கள் இணைந்து நடிக்கும் இந்த படம் வரலாற்று படமா? அல்லது சமூக படமா? என்பது குறித்த தகவல்கள் மற்றும் இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த தகவல் வெகுவிரைவில் வெளியாகும் என்று எதிர்பார்க்கப்படுகிறது.