close
Choose your channels

'ego' எங்கள பிரிச்சிடுச்சு....! சிம்பு, யுவன் காம்போவில் "தப்பு பண்ணிட்டேன்" டீசர்...!

Wednesday, July 7, 2021 • தமிழ் Comments

யுவனின் " U1 ரெக்கார்ட்ஸ்" தயாரிப்பில் உருவாகி வரும் புதிய ஆல்பம் பாடல் தான் "தப்பு பண்ணிட்டேன்". இந்த பாடலை அறிமுக இசையமைப்பாளர் A.K.ப்ரியன் இசையமைக்க, நடிகர் சிலம்பரசன் பாட, விக்னேஷ் ராமகிருஷ்ணா என்பவர் எழுதியுள்ளார். நடன இயக்குனராக சாண்டி மாஸ்டரும், இளம் பிரபல நடிகரான காளிதாஸ் ஜெயராம் மற்றும் நடிகை மேகா ஆகாஷ் இப்பாடலில் இணைந்துள்ளனர். பாடலை இயக்குனர் டாங்லி ஜம்போ இயக்க, ஒளிப்பதிவாளராக விது அய்யனா பணியாற்ற உள்ளார். "தப்பு பண்ணிட்டேன்" என்ற பெயர் வைக்கப்பட்டுள்ள, இப்பாடலின் டீசர் தற்போது வெளியாகியுள்ளது.

"இங்க பிரியப்போறம்-னு தெரிஞ்சு யாரும் லவ் பண்றது இல்ல. சின்ன சின்ன கோபம், possessiveness, முக்கியமா ego தான் எங்கள பிரிச்சிடுச்சு. நா அவள போக விட்ருக்க கூடாது. அப்புறம் நா எதுக்கு அவள லவ் பண்ணேன். நா அவள போக விட்ருக்க கூடாது, நான் பண்ணிட்டேன், தப்பு பண்ணிட்டேன்" என்று சிம்புவின் பின்னணி காதல் குரலில், டீசர் துவங்கி "நான் தப்பு பண்ணிட்டேன், அவளை தொலைச்சேன்" என்ற ரம்யமான ராகத்துடன் இப்பாடல் டீசர் முடிவடைகிறது.

யுவன், சிம்பு காம்போ வந்தாலே ஹிட் என்று சொல்லும் அளவிற்கு அவர்கள் பல பாடல்களை தமிழ் சினிமாவிற்கு கொடுத்துள்ளனர். ரசிகர்கள் மத்தியில் இந்த டீசர் பெரும் வரவேற்பை பெற்றுள்ளது.

Get Breaking News Alerts From IndiaGlitz