'பிகில்' படத்தில் இணைந்த பிரபல தொழில்நுட்ப கலைஞர்!
- IndiaGlitz, [Monday,September 30 2019]
தளபதி விஜய் நடித்த 'பிகில் படத்தின் படப்பிடிப்பு சமீபத்தில் முடிவடைந்து தற்போது முழுவீச்சில் போஸ்ட் புரொடக்ஷன் பணிகள் நடைபெற்று வருகிறது. இந்த நிலையில் இந்த படத்தின் டீசர் இன்னும் ஒருசில தினங்களில் வெளியாகும் என எதிர்பார்க்கப்படுகிறது 'பிகில்' படத்தின் டீஸர் பணிகள் அனைத்தும் முடிந்து விட்டதாகவும், டீசரின் சென்சார் பணிகள் முடிவடைந்தவுடன் டீஸர் ரிலீஸ் தேதி அறிவிக்கப்படும் என்றும் நம்பத்தகுந்த வட்டாரங்களில் இருந்து செய்திகள் வெளியாகி உள்ளது
இந்த நிலையில் 'பிகில்' படத்தின் ஆங்கில சப் டைட்டில் அமைக்க பிரபல சப்டைட்டில் கலைஞர் ரேகா அவர்கள் இந்த படத்தில் இணைந்து உள்ளதாக செய்திகள் வெளிவந்துள்ளது. இவர் ஏற்கனவே ரஜினி, கமல், அஜீத், விஜய் உள்பட முக்கிய பிரபலங்கள் நடித்த சுமார் 500 படங்களுக்கும் மேல் சப்டைட்டில் அமைத்துள்ளார் என்பது குறிப்பிடத்தக்கதாகும்
விஜய், நயன்தாரா, ஜாக்கி ஷெராஃப், யோகிபாபு, கதிர், விவேக், டேனியல் பாலாஜி, ஆனந்த்ராஜ், இந்துஜா உள்ளிட்ட பலர் நடித்துள்ள இந்த படத்திற்கு விஷ்ணு ஒளிப்பதிவும், ரூபன் படத்தொகுப்பு பணியும் செய்துள்ளனர். ஆஸ்கார் நாயகன் ஏ.ஆர்.ரஹ்மான் இசையமைத்துள்ள இந்த படத்தை ஏஜிஎஸ் நிறுவனம் தயாரித்துள்ளது