వైజాగ్ లో విజ‌యోత్స‌వం క్యాన్సిల్..!
- IndiaGlitz, [Wednesday,September 07 2016]
యంగ్ టైగ‌ర్ ఎన్టీఆర్ - బ్లాక్ బ‌ష్ట‌ర్ డైరెక్ట‌ర్ కొర‌టాల శివ కాంబినేష‌న్లో రూపొందిన భారీ చిత్రం జ‌న‌తాగ్యారేజ్. ఈనెల 1న ప్ర‌పంచ వ్యాప్తంగా రిలీజైన జ‌న‌తా గ్యారేజ్ టాక్ తో సంబంధం లేకుండా రికార్డ్ స్ధాయి క‌లెక్ష‌న్స్ వ‌సూలు చేస్తుంది. తెలుగు రాష్ట్రాల్లోనే కాకుండా అమెరికాలో సైతం రికార్డ్ స్ధాయి క‌లెక్ష‌న్స్ వ‌సూలు చేస్తుండ‌డం విశేషం.
ఎన్టీఆర్ కెరీర్ లోనే జ‌న‌తాగ్యారేజ్ హ‌య్య‌స్ట్ క‌లెక్ష‌న్ సాధించిన చిత్రంగా స‌రికొత్త రికార్డ్ క్రియేట్ చేస్తుంది. ఈ ఘ‌న విజ‌యాన్ని పుర‌స్క‌రించుకుని జ‌న‌తా గ్యారేజ్ విజ‌యోత్స‌వం ను వైజాగ్ లో నిర్వ‌హించేందుకు ప్లాన్ చేసారు. ఈనెల 10న వైజాగ్ లో ఈ విజ‌యోత్స‌వం చేయాల‌నుకున్నారు అయితే...వినాయ‌క చ‌వితి నిమ‌జ్జ‌నం, సెక్యురిటీ కార‌ణాల వ‌ల‌న ఈ విజ‌యోత్స‌వంను క్యాన్సిల్ చేసిన‌ట్టు స‌మాచారం.