சன் டிவி பிரபலம் ஆனந்தக்கண்ணன் திடீர் மறைவு: ரசிகர்கள் அதிர்ச்சி!
- IndiaGlitz, [Tuesday,August 17 2021]
சன் டிவியில் பிரபல தொகுப்பாளராகவும் தொலைக்காட்சி தொடர் நடிகராகவும் இருந்த ஆனந்த கண்ணன் திடீரென மறைந்தது அவரது ரசிகர்களுக்கு பேரதிர்ச்சியாக உள்ளது
கடந்த 90ஆம் ஆண்டுகளில் சன் டிவியில் பிரபலமாக இருந்த தொகுப்பாளர் ஆனந்த கண்ணன். குறிப்பாக குழந்தைகள் மற்றும் இளைஞர்கள் இவருக்கு ஏராளமானோர் ரசிகர்களாக இருந்தார்கள் என்பது குறிப்பிடத்தக்கது
சன் டிவியில் தொகுப்பாளராக இருந்து கொண்டு தொலைக்காட்சி தொடர்களிலும் நடித்து வந்தார். அவர் நடித்த ’சிந்துபாத்’ என்ற தொடர் மிகப்பெரிய அளவில் வரவேற்பு பெற்றது என்பது குறிப்பிடத்தக்கது
இந்த நிலையில் கடந்த சில ஆண்டுகளாக புற்றுநோயால் பாதிக்கப்பட்டிருந்த ஆனந்த கண்ணன் அதற்காக சிகிச்சை பெற்று வந்த நிலையில் சிகிச்சை பலனின்றி காலமானார். சிங்கப்பூர் தமிழரான ஆனந்த கண்ணன் தமிழ் தொலைக்காட்சி ரசிகர்கள் மத்தியில் மிகப்பெரிய வரவேற்பை பெற்ற நிலையில் தற்போது அவர் காலமானதை அடுத்து அவருக்கு இரங்கல் தெரிவித்து வருகின்றனர். இயக்குனர் வெங்கட்பிரபு, நடிகர் ஆர்கே சுரேஷ் உள்பட பலர் தங்களது டுவிட்டர் பக்கங்களில் ஆனந்த கண்ணன் மறைவிற்கு இரங்கல் தெரிவித்துள்ளனர் என்பது குறிப்பிடத்தக்கது.