'செல்பி புள்ளே' பாடகிக்கு கிடைத்த மிகப்பெரிய பெருமை
- IndiaGlitz, [Tuesday,November 24 2015]
விஜய் நடித்த 'கத்தி' திரைப்படத்தில் 'செல்பி புள்ளே' என்ற பாடலை விஜய்யுடன் இணைந்து பாடிய பாடகி சுனிதி செளகான், ஹாலிவுட் அனிமேசன் திரைப்படத்தின் இந்தி பதிப்பில் ஒரு பாடலை பாடியுள்ளதோடு, அந்த படத்தின் முக்கிய கேரக்டரான எலிசா என்ற கேரக்டருக்கு பின்னணி குரலும் கொடுத்துள்ளார்.
கடந்த 2013ஆம் ஆண்டு வெளிவந்த ஃப்ரோசன் (Frozen) என்ற அனிமேசன் படத்தின் இந்தி பதிப்பு விரைவில் டிஸ்னி சேனலில் வரும் டிசம்பர் 12 அன்று ஒளிபரப்பாக உள்ளது. இந்திய ரசிகர்கள் இந்த அனிமேசன் படத்தை மிகவும் ஆவலுடன் எதிர்பார்ப்பதாக கூறப்படுகிறது.
ஃப்ரோசன் திரைப்படம் ஆஸ்கர், கோல்டன் க்ளோப் உட்பட எண்ணற்ற விருதுகளை அள்ளியுள்ளது என்பது குறிப்பிடத்தக்கது. உலக அளவில் புகழ் பெற்ற ஒரு படத்தில் கோலிவுட் பாடகி ஒருவர் பணிபுரிந்தது பெருமையான ஒரு விஷயமாக கருதப்படுகிறது.
பாடகி சுனிதி செளகான் கவுதம் மேனன் இயக்கிய 'நீதானே என் பொன்வசந்தம்' படத்தில் இடம்பெற்ற 'முதல்முறை' என்று தொடங்கும் பாடல் உள்பா ஒருசில பாடல்களை பாடியவர் என்பது குறிப்பிடத்தக்கது.