விஜய்சேதுபதியின் ஒவ்வொரு படமும் ஒவ்வொரு எதிர்பார்ப்பை ஏற்படுத்தி வரும் நிலையில் 'ஆரண்ய காண்டம்' என்ற தமிழ் சினிமா ரசிகர்கள் மறக்க முடியாத படத்தை கொடுத்த இயக்குனர் தியாகராஜன் குமாரராஜாவுடன் விஜய்சேதுபதி இணைந்த 'சூப்பர் டீலக்ஸ்' படத்திற்கான எதிர்பார்ப்பை சொல்லவும் வேண்டுமா? அதிலும் எந்த கேரக்டர் கொடுத்தாலும் அந்த கேரக்டராகவே மாறிவிடும் விஜய்சேதுபதி முதல்முறையாக திருநங்கை கேரக்டரில் நடித்துள்ளார். இந்த படத்தின் சூப்பர் டிரைலர் சற்றுமுன் வெளியாகியுள்ளது

புலி, மலைப்பாம்பு, பள்ளம், தேன் கதையை திரும்ப திரும்ப சொன்னாலும் அந்த குரல் மாடுலேஷனில் விஜய்சேதுபதி காட்டிய வேக வித்தியாசம் டிரைலரை பார்க்கும்போது சிலிர்க்கின்றது. விஜய்சேதுபதி சொல்லும் கதையை அப்படியே கற்பனை செய்து பார்த்தால் ஒருகணம் மனம் திடுக்கிடுகிறது. இதுதான் இந்த படத்தின் வெற்றியாக இருக்கும்

விஜய்சேதுபதி, பகத் பாசில், சமந்தா, மிஷ்கின் காட்சிகளை பார்க்கும்போது இந்த படம் ஒரு விறுவிறுப்பான த்ரில் படம் என்பது மட்டும் இந்த டிரைலரில் இருந்து தெரிகிறது.