சூப்பர்ஹிட் படத்தின் இரண்டாம் பாகம்.. பிரபல நடிகர் அறிவிப்பு!
- IndiaGlitz, [Sunday,January 15 2023]
கடந்த சில ஆண்டுகளாக ஏற்கனவே சூப்பர் ஹிட் ஆன படங்களின் இரண்டாம் பாகங்கள் உருவாக்கப்பட்டு வரும் நிலையில் தற்போது மேலும் ஒரு சூப்பர் ஹிட் படத்தின் இரண்டாம் பாகம் குறித்து அறிவிப்பை பிரபல நடிகர் தனது சமூக வலைத்தளத்தில் அறிவித்துள்ளார்.
கடந்த ஆண்டு விஷ்ணு விஷால் நடிப்பில் மனு ஆனந்த் இயக்கத்தில் உருவான திரைப்படம் ’எஃப்ஐஆர்’. இந்த படம் நல்ல வரவேற்பை பெற்றது என்பதும் ரெட் ஜெயண்ட் மூவிஸ் நிறுவனம் வெளியிட்ட இந்த படம் வசூலை வாரி குவித்தது என்பது குறிப்பிடத்தக்கது.
இந்த நிலையில் ’எஃப்ஐஆர்’ படத்தின் இரண்டாம் பாகம் குறித்து அறிவிப்பை நடிகர் விஷ்ணு விஷால் தனது சமூகவலைதளத்தில் அதிகாரப்பூர்வமாக அறிவித்துள்ளார். ’எஃப்ஐஆர் 2’ படம் விரைவில் தொடங்கப்படும் என அவர் அறிவித்துள்ளதை அடுத்து இந்த படத்தின் அடுத்தடுத்த அப்டேட்டுகள் விரைவில் வெளியாகும் என்று எதிர்பார்க்கப்படுகிறது.
சமீபத்தில் இயக்குனர் மனு ஆனந்த், பிரின்ஸ்பிக்சர் நிறுவனம் தயாரிக்கும் படம் ஒன்றை இயக்க ஒப்புக்கொண்ட நிலையில் அந்த படம் தான் விஷ்ணு விஷாலின் ’எஃப்ஐஆர் 2’ படமா? அல்லது முதல் பாகத்தை தயாரித்த விஷ்ணு விஷாலே இரண்டாம் பாகத்தையும் தயாரிக்கவுள்ளாரா? என்பதை பொறுத்திருந்து பார்ப்போம்.
FIR 2
— VISHNU VISHAL (VV) (@TheVishnuVishal) January 14, 2023
SOON !!!!!@VVStudioz