உலக கோப்பை கால்பந்து போட்டி நேற்று இறுதி ஆட்டம் நடைபெற்ற நிலையில் நேற்றைய ஆட்டத்தில் அர்ஜென்டினா மற்றும் பிரான்ஸ் அணிகள் மோதின. இந்த போட்டியில் அர்ஜென்டினா 4-2 என்ற கோல் கணக்கில் வெற்றி பெற்று 36 ஆண்டுகளுக்குப் பின்னர் மீண்டும் உலக கோப்பை பட்டத்தை வென்றுள்ளது என்பது குறிப்பிடத்தக்கது.

இதனை அடுத்து சாம்பியன் பட்டம் வென்ற அர்ஜென்டினா அணிக்கு உலகம் முழுவதிலும் இருந்து வாழ்த்துக்கள் குவிந்து வருகிறது. இந்த நிலையில் உலக கோப்பையை நேரில் ரசிக்க உலகின் முன்னணி பணக்காரரான எலான் மஸ்க் முதல் பல தொழிலதிபர்கள், விஐபிகள், அரசியல் பிரபலங்கள், பிரான்ஸ் நாட்டு அதிபர் உள்பட பல நாட்டின் தலைவர்கள் கத்தார் நாட்டின் மைதானத்திற்கு வருகை தந்திருந்தனர்.

அதேபோல் இந்த போட்டியை நேரில் கண்டு ரசிக்க உலகம் முழுவதிலும் இருந்து ஏராளமான திரையுலக பிரபலங்களும் கலந்து கொண்டனர். குறிப்பாக இந்தியாவில் இருந்து ஏராளமான திரையுலக பிரபலங்கள் இந்த போட்டியை நேரில் ரசித்தனர்.

உலககோப்பை அறிமுகம் செய்த தீபிகா படுகோன், ஷாருக்கான் உள்ளிட்ட பலர் இந்த போட்டியை நேரில் ரசித்த நிலையில் தென்னிந்திய திரையுலகின் முன்னணி நடிகர்களில் ஒருவரான மம்முட்டி உலகக்கோப்பை கால்பந்து போட்டியை நேற்று கத்தார் நாட்டில் உள்ள மைதானத்தில் கண்டு ரசித்தார். இந்த போட்டியை அவர் ரசித்துப் பார்த்துக் கொண்டிருக்கும் போது எடுத்த செல்ஃபி புகைப்படத்தையும் அவர் தனது சமூக வலைத்தளத்தில் பதிவு செய்துள்ளதை அடுத்து அந்த புகைப்படம் தற்போது வைரலாகி வருகிறது.

Witnessing the biggest sporting spectacle !

What an atmosphere..What a moment !!#FIFAWorldCup #ArgentinaVsFrance pic.twitter.com/MJAzPoQ6Es

— Mammootty (@mammukka) December 18, 2022