சூப்பர் ஸ்டார் ரஜினியின் 'ஜெயிலர்' முதல் நாள் வசூல் இத்தனை கோடியா?
- IndiaGlitz, [Friday,August 11 2023]
சூப்பர் ஸ்டார் ரஜினிகாந்த் நடித்த ‘ஜெயிலர்’ திரைப்படம் நேற்று வெளியாகி பாசிட்டிவ் விமர்சனங்களை பெற்று வருகிறது என்பதையும் ரஜினி ரசிகர்கள் மட்டுமின்றி ஒட்டுமொத்த சினிமா ரசிகர்கள் இந்த படத்தை பார்த்து கொண்டாடி வருவதாகவும் தெரிகிறது.
இந்த இந்த நிலையில் இந்த படம் இந்தியாவில் மட்டும் நேற்று ஒரே நாளில் ரூபாய் 48 கோடி வசூல் செய்துள்ளதாக தெரிகிறது. தமிழகத்தில் மட்டும் இந்த படம் 21 கோடி வசூல் செய்துள்ளதாகவும் வாரிசு திரைப்படத்தின் முதல் நாள் வசூலை இந்த படம் முறியடித்து விட்டதாகவும் கூறப்படுகிறது. இவ்வளவுக்கும் தமிழகத்தில் இந்த படம் அதிகாலை காட்சி திரையிடப்படவில்லை என்பதும் 9 மணிக்கு தான் முதல் நாள் காட்சி திரையிடப்பட்டது என்பது குறிப்பிடத்தக்கது.
தமிழகத்தில் மட்டுமின்றி அண்டை மாநிலங்களிலும் இந்த படம் மிகப்பெரிய வசூலை செய்துள்ளது. கர்நாடகாவில் 8.75 கோடி வசூல் செய்துள்ளதாகவும் கேரளாவில் 6 கோடி வசூல் செய்துள்ளதாகவும் தெலுங்கு மாநிலங்களிலும் ரூ.10 கோடி வசூல் செய்துள்ளதாகவும் வட இந்தியாவில் இந்த படம் நேற்று ஒரே நாளில் ரூ.2 கோடி ரூபாய் வசூல் செய்து உள்ளதாகவும் கூறப்படுகிறது.
இந்தியாவில் மட்டும் ஒரே நாளில் ரூ.48 கோடிக்கும் மேல் வசூல் செய்துள்ள நிலையில் வெளிநாட்டு வசூலையும் சேர்த்தால் சுமார் 80 கோடி ரூபாய்க்கும் மேல் முதல் நாளில் வசூல் ஆகியிருக்கும் என்று எதிர்பார்க்கப்படுகிறது.