close
Choose your channels

రాహుల్.. జాగ్రత్త అంటూ సుప్రీం హెచ్చరిక

Thursday, November 14, 2019 • తెలుగు Comments

రాహుల్.. జాగ్రత్త అంటూ సుప్రీం హెచ్చరిక..

కాంగ్రెస్ యువనేత రాహుల్ గాంధీకి దేశ అత్యున్నత న్యాయస్థానం సుప్రీం కోర్టు హెచ్చరికలు జారీ చేసింది. అంతేకాదు ఒకింత సూచనలు, సలహాలు కూడా చేసింది. ‘మాట్లాడేటప్పుడు మరింత జాగ్రత్తగా ఉండాలి.. భవిష్యత్‌లో సంయమనం పాటించాలి’ అని కోర్టు హెచ్చరించింది. అసలేం జరిగింది అనే వివరాల్లోకెళితే.. గురువారం నాడు సుప్రీం కోర్టులో రాఫెల్ ఒప్పందంపై దాఖలైన రివ్యూ పిటిషన్లను సుప్రీం కోర్టు కొట్టివేసింది. ఈ క్రమంలో రాఫెల్‌పై కోర్టు పర్యవేక్షణలో విచారణ అవసరం లేదని స్పష్టం చేసింది. ముందు నుంచి రక్షణ వ్యవహారాల్లో కోర్టు జోక్యం చేసుకోదని చెబుతూ వస్తున్న సుప్రీం.. నేటి తీర్పులోనూ ఇదే విషయాన్ని మరోసారి స్పష్టం చేసింది. దీంతో కోర్టు ధిక్కరణ కేసులో రాహుల్‌‌కు ఊరట లభించింది.

ప్రధాని మోదీని ‘చౌకీదార్‌ చోర్‌ హై’ అంటూ రాహుల్‌ విమర్శించిన సంగతి తెలిసిందే. ఈ వ్యాఖ్యలను సీరియస్‌గా తీసుకున్న బీజేపీ.. వీటిపై అభ్యంతరం వ్యక్తం చేస్తూ మీనాక్షి కోర్టు ధిక్కరణ కేసు వేశారు. దీనిపై విచారణ జరిపిన సుప్రీం రాహుల్‌ గాంధీని హెచ్చరించింది. ఈ సందర్భంగా సుప్రీం వ్యాఖ్యలకు రాహుల్‌ క్షమాపణలు చెప్పారు. ఆయన క్షమాపణలను కోర్టు పరిగణనలోకి తీసుకుంది. సుప్రీం కోర్టు చీవాట్లతో ఇకనైనా రాహుల్ మారుతాడో లేకుంటే మునుపటి లాగా ఉంటారో వేచి చూడాల్సిందే.

Get Breaking News Alerts From IndiaGlitz