20 வருடங்களுக்கு முன் அஜித் வாங்கிய சம்பளம் எவ்வளவு தெரியுமா? சுரேஷ் மேனன்
- IndiaGlitz, [Monday,March 20 2017]
தமிழ் சினிமாவின் வசூல் சக்கரவர்த்தி என்று அழைக்கப்படும் அஜித்தின் படங்கள் வெளியாகும் நாள் என்றாலே அவரது ரசிகர்களுக்கு திருவிழா போன்றதுதான். அவர் நடித்து வரும் 'விவேகம்' படத்திற்கு மிகப்பெரிய வியாபாரம் ஆகும் என்றும் இந்த படத்தின் ஓப்பனிங் வசூல் சாதனை படைக்கும் என்றூம் எதிர்பார்க்கப்படுகிறது.
இந்நிலையில் கடந்த 1993ஆம் ஆண்டு சுரேஷ் மேனன் தான் இயக்கிய 'பாசமலர்கள்' படத்தில் அஜித் நடித்தது குறித்து சமீபத்தில் நினைவுகூர்ந்தார். இன்று அஜித் சுமார் ரூ.25 கோடி சம்பளம் பெறுவதாக கூறப்படும் நிலையில் 'பாசமலர்கள்' படத்தில் ஒருசில நிமிடங்கள் தோன்றும் காட்சிக்காக அவர் பெற்றது வெறும் ரூ.2500 சம்பளம்தான் என்றும், ஆனால் அதே நட்புறவுடன் இன்றும் அவர் இருப்பது ஆச்சரியம் அளிப்பதாகவும் சுரேஷ் மேனன் தனது சமூக வலைத்தளத்தில் தெரிவித்துள்ளார்.
சுரேஷ் மேனன் நீண்ட இடைவெளிக்கு பின்னர் தற்போது சூர்யாவின் 'தானா சேர்ந்த கூட்டம்' மற்றும் ஜி.வி.பிரகாஷின் '4G' ஆகிய படங்களில் நடித்து வருகிறார் என்பது குறிப்பிடத்தக்கது.