సూర్య 24 ఫ‌స్ట్ లుక్ రిలీజ్ డేట్
- IndiaGlitz, [Monday,November 09 2015]
హీరో సూర్య, మ‌నం ఫేం విక్ర‌మ్ కుమార్ కాంబినేష‌న్ లో రూపొందుతున్నక్రేజీ మూవీ 24. ఈ చిత్రంలో సూర్య స‌ర‌స‌న స‌మంత, నిత్యా మీన‌న్ న‌టిస్తున్నారు. ఈ చిత్రాన్ని 2డి ఎంట‌ర్ టైన్మెంట్ బ్యాన‌ర్ పై సూర్య నిర్మిస్తుండ‌డం విశేషం. యాక్ష‌న్ థ్రిల్ల‌ర్ గా రూపొందే ఈ మూవీకి ఎ.ఆర్.రెహ‌మాన్ సంగీతాన్ని అందిస్తున్నారు.
ఈ చిత్రం దాదాపు షూటింగ్ పూర్తి చేసుకుంది. ఈనెల 24న 24 ఫ‌స్ట్ లుక్ రిలీజ్ చేయడానికి ప్లాన్ చేస్తున్నారు. మూవీని సంక్రాంతి కానుక‌గా జ‌న‌వ‌రిలో రిలీజ్ చేయ‌నున్నారు. మ‌రి...వైవిధ్య‌మైన చిత్రాల‌ను అందించే విక్ర‌మ్ కుమార్ ఈసారి ఎలాంటి క‌థ‌తో ఆక‌ట్టుకుంటాడో చూడాలి.