close
Choose your channels

సూర్య‌, శివ‌.. అఫీషియ‌ల్‌

Tuesday, April 23, 2019 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

సూర్య‌, శివ‌.. అఫీషియ‌ల్‌

హీరో అజిత్‌తో వరసగా నాలుగు సినిమాలు చేసి, నాలుగు సినిమాలనూ సూపర్‌హిట్ చేసిన ఘనత దర్శకుడు శివకు దక్కుతుంది. ఒక స్టార్ హీరోతో వరసగా నాలుగు సినిమాలు చేయడ‌మ‌నేది ఈరోజుల్లో సాధ్యమయ్యే పనికాదు. అలాంటి శివ ఇప్పుడు తన తదుపరి సినిమాను అజిత్‌తో కాకుండా హీరో సూర్యతో చేసేందుకు రెడీ అవుతున్నారు. తమ అభిమాన హీరోతో ఓ టాప్ డైరెక్టర్ ఫస్ట్ టైమ్ సినిమా చేస్తున్నాడంటే అది అభిమానులు పండగ చేసుకునే వార్తే కదా.

సూర్య 39వ సినిమాగా స్టూడియో గ్రీన్ సంస్థ ఈ చిత్రాన్ని నిర్మించనుంది. ఈ సందర్భంగా స్టూడియో గ్రీన్ అధినేత కె.ఇ.జ్ఙానవేల్‌రాజా మాట్లాడుతూ ‘‘సూర్య, శివ కాంబినేషన్‌లో సినిమా అంటే ప్రేక్షకుల్లో, అభిమానుల్లో భారీ అంచనాలు ఏర్పడతాయి. అయితే సూర్య అభిమానులకు మాత్రం ఈ సినిమా కచ్చితంగా ఓ పండగే’ అన్నారు. ప్రస్తుతం సూర్య ‘శూరరై పోట్రు’ చిత్రం చేస్తున్నారు. ‘గురు’ చిత్రాన్ని తెరకెక్కించిన సుధా కొంగర ఈ చిత్రానికి దర్శకత్వం వహిస్తున్నారు. ఈ సినిమా పూర్తి కాగానే సూర్య, శివ కాంబినేషన్ మూవీ ప్రారంభవువుతుందని తెలుస్తోంది.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.