ఓటీటీలో ‘ఆకాశం నీ హ‌ద్దురా’.. అనౌన్స్ చేసిన సూర్య
- IndiaGlitz, [Saturday,August 22 2020]
తమిళంతో పాటు తెలుగులోనూ మార్కెట్ ఉన్న హీరోల్లో సూర్య ఒక‌రు. అందుక‌నే ఆయ‌న సినిమాలు తమిళంతో పాటు తెలుగులోనూ ఏకకాలంలో విడుద‌ల‌వుతుంటాయి. ఆయ‌న లేటెస్ట్ మూవీ ‘శూరరైపోట్రు’. ఈ చిత్రాన్ని తెలుగులో ‘ఆకాశం నీ హ‌ద్దురా’ పేరుతో విడుదల చేస్తున్న సంగ‌తి తెలిసిందే. అయితే ఈ మ‌ధ్య కాలంలో విడుద‌లైన సూర్య సినిమాలు ఎన్‌జీకే, బందోబ‌స్త్‌(కాప్పాన్‌) చిత్రాలు ఆశించిన స్థాయిలో విజ‌య‌వంతం కాలేపోయాయి. అయితే ఈ ఏడాది స‌మ్మ‌ర్‌లో 'ఆకాశం నీ హ‌ద్దురా' సినిమాతో ప్రేక్ష‌కుల ముందుకు రావాలనుకున్న సూర్య స్పీడుకు కరోనా వైరస్ బ్రేకేసింది.
లాక్‌డౌన్ సమయంలో థియేట‌ర్స్ మూత‌ప‌డ్డాయి. అస‌లు థియేట‌ర్స్ ఎప్పుడు ఓపెన్ అవుతాయి. అస‌లు ఓపెన్ అయితే ప్రేక్ష‌కులు థియేట‌ర్‌కు ధైర్యంగా వ‌స్తారా? అనే విష‌యాల‌పై క్లారిటీ లేక‌పోవ‌డంతో ఇప్ప‌టి వ‌ర‌కు వెయిట్ చేసిన స్టార్ హీరోలంద‌రూ వారి సినిమాల‌ను విడుద‌ల‌కు సిద్ధం చేసుకుంటున్నారు. ఆ క్ర‌మంలో హీరో సూర్య.. ఆకాశం నీ హ‌ద్దురా చిత్రాన్ని అక్టోబ‌ర్ 30న అమెజాన్ ప్రైమ్‌లో విడుదల చేయ‌డానికి ఒప్పుకున్న‌ట్లు తెలిపారు. హీరోగా సూర్య తొలి సినిమాగా ఆకాశం నీ హ‌ద్దురా ఓటీటీలో డైరెక్ట్ రిలీజ్ అవుతుంది. మ‌రి ఈ సినిమాతో ప్రేక్ష‌కుల‌ను సూర్య ఏవిధంగా మెప్పిస్తారో వేచి చూడాలి.