கமல்ஹாசனுடன் நெருக்கமாகிய சூர்யாவின் 'எஸ் 3'
- IndiaGlitz, [Friday,October 28 2016]
சூர்யா நடிப்பில் ஹரி இயக்கிய சிங்கம் 3' படத்தின் டீசர் நவம்பர் 7ஆம் தேதி வெளிவரவுள்ளதாக வெளிவந்த செய்தியினை ஏற்கனவே பார்த்தோம். இந்நிலையில் இந்த படத்தின் இசை வெளியீட்டு விழா வரும் நவம்பர் 13ல் சென்னை வர்த்தக மையத்தில் நடக்க வாய்ப்பு இருப்பதாக கூறப்படுகிறது.
மேலும் நவம்பர் 7ஆம் தேதி உலக நாயகன் கமல்ஹாசன் பிறந்த நாளில் 'எஸ் 3' படத்தின் டீசர் வெளிவரவுள்ள நிலையில் நவம்பர் 13ஆம் தேதி நடைபெறும் இசை வெளியீட்டு விழாவில் சிறப்பு விருந்தினராக கமல்ஹாசன் கலந்து கொள்ள வாய்ப்பு உள்ளதாகவும் செய்திகள் வெளிவந்துள்ளது.
கமல்ஹாசன் பிறந்த நாளில் டீசர் வெளியீடும், கமல்ஹாசன் தலைமையில் பாடலும் வெளியாக உள்ளதால் இந்த படத்திற்கும் கமல்ஹாசனுக்கும் நெருக்கம் அதிகமாகியுள்ளது என்பது குறிப்பிடத்தக்கது.