సూర్య క్రేజీ కాంబో....
- IndiaGlitz, [Monday,October 30 2017]
సింగం 3 త‌ర్వాత హీరో సూర్య విఘ్నేష్ శివ‌న్ ద‌ర్శ‌క‌త్వంలో తానా సెంద‌కూట్ట‌మ్ సినిమా చేస్తున్న సంగ‌తి తెలిసిందే. ఈసినిమా త‌ర్వాత సూర్య చేయ‌బోయే సినిమా పలు వార్త‌లు వ‌చ్చాయి. సెల్వ రాఘవన్ ద‌ర్శ‌క‌త్వంలో ఉంటుందని, అలాగే లేడీ డైరెక్ట‌ర్ సుధ కొంగ‌ర ద‌ర్శ‌క‌త్వంలో ఉంటుందని అన్నారు. అయితే ఇప్పుడు సూర్య త‌దుప‌రి సినిమా అధికార‌కంగా క‌న్‌ఫ‌ర్మ్ అయ్యింది.
ఆ సినిమా ద‌ర్శ‌కుడు సెల్వ రాఘవన్. 7/జి బృందావ‌న్‌కాల‌నీ, యుగానికొక్క‌డు చిత్రాల ద‌ర్శ‌కుడిగా సెల్వ రాఘ‌వ‌న్‌కు మంచి పేరుంది. ఈ చిత్రాన్ని డ్రీమ్ వారియ‌ర్ పిక్చ‌ర్స్ బ్యాన‌ర్‌ఫై ఎస్‌.ఆర్‌.ప్ర‌కాష్‌, ఎస్‌.ఆర్‌.ప్ర‌భు నిర్మాత‌లుగా సినిమా రూపొంద‌నుంది. స్క్రిప్ట్ లాక‌య్యింది. ఈ సినిమా జ‌న‌వ‌రిలో ప్రారంభం అవుతుంద‌ని నిర్మాత‌లు తెలియ‌జేశారు. డ్రీమ్ వారియ‌ర్ పిక్చ‌ర్స్ బ్యాన‌ర్‌ఫై రీసెంట్‌గా విడుద‌లైన కాష్మోరా చిత్రం మంచి విజ‌యాన్ని సాధించింది.