మళ్లీ వాయిదావేసిన సూర్య
- IndiaGlitz, [Friday,November 27 2015]
ఏదైనా సినిమా ఓ సారి వాయిదా ప‌డిందంటే.. మళ్లీ మళ్లీ అదే బాట ప‌డుతుంది. ఇప్పుడు ఇదే త‌ర‌హాలో ఉంది తమిళ క‌థానాయ‌కుడు సూర్య కీల‌క పాత్ర‌లో నటించిన 'ప‌సంగ 2' అనే తమిళ చిత్రం. తెలుగులో 'మేము' పేరుతో తెర‌కెక్కిన ఈ సినిమాని మొద‌ట న‌వంబ‌ర్ 27న విడుద‌ల చేయాల‌నుకున్నారు. కొన్ని కార‌ణాల వ‌ల్ల డిసెంబ‌ర్ 4కి వాయిదా వేశారు. తీరా చూస్తే.. ఈ సినిమాని మ‌రోసారి వాయిదా వేశారు. ఈ సారి విడుద‌ల తేది డిసెంబ‌ర్ 24. వాయిదాల ప‌ర్వంలో ఉన్న ఈ సినిమా.. ఈ సారైనా అనుకున్న స‌మ‌యానికి వ‌స్తుందో లేక మళ్లీ వాయిదా పడుతుందో చూడాలి. 'మేము'లో అమ‌లా పాల్‌, బిందు మాధ‌వి ముఖ్య పాత్ర‌ల్లో న‌టించారు.