காதல் மன்னன் கேரக்டரை மிஸ் செய்த சூர்யா
- IndiaGlitz, [Sunday,April 02 2017]
நடிகையர் திலகம் சாவித்ரியின் வாழ்க்கை வரலாறு திரைப்படமான 'மகாநதி' படத்தில் காதல் மன்னன் ஜெமினி கணேசனின் கேரக்டரில் பிரபல நடிகர் சூர்யா நடிக்க பேச்சுவார்த்தை நடந்து வருவதாக வெளிவந்த செய்தியை ஏற்கனவே பார்த்தோம். இந்நிலையில் இந்த கேரக்டரில் சூர்யா நடிக்கவில்லை என்ற தகவல் தற்போது வெளிவந்துள்ளது.
இதுகுறித்து சூர்யா தரப்பினர் கூறியபோது, 'மகாநதி' படத்தில் ஜெமினி கணேசன்' கேரக்டரில் சூர்யா நடிக்க பேச்சுவார்த்தை நடத்தியது உண்மைதான். ஆனால் தற்போது ஒருசில காரணங்களால் அது நடைமுறை ஆகவில்லை' என்று கூறினர். இதனால் காதல் மன்னன் கேரக்டரை சூர்யா மிஸ் செய்துவிட்டார் என்பது குறிப்பிடத்தக்கது. தற்போது படக்குழுவினர் ஜெமினி கணேசன் கேரக்டருக்கு வேறு பொருத்தமான நடிகரை தேடி வருகின்றனர்.
சாவித்ரி கேரக்டரில் நடிகை கீர்த்திசுரேஷ் நடிக்கும் இந்த படத்தில் சமந்தா முக்கிய கேரக்டரில் நடிக்கின்றார். நாக் அஸ்வின் இயக்கவுள்ள இந்த படத்தின் படப்பிடிப்பு இம்மாத இறுதியில் தொடங்கும் என்று எதிர்பார்க்கப்படுகிறாது.