close
Choose your channels

சூர்யா இல்லாமலே நடந்த 'சூர்யா 40' பட பூஜை: வைரல் புகைப்படங்கள்!

Monday, February 15, 2021 • தமிழ் Comments

சூர்யா நடிப்பில், சன் பிக்சர்ஸ் நிறுவனம் தயாரிப்பில், இயக்குனர் பாண்டிராஜ் இயக்கத்தில் உருவாக உள்ள சூர்யாவின் 40வது படம் குறித்த அறிவிப்பு சமீபத்தில் வெளிவந்தது. இந்த படத்திற்கு டி. இமான் இசையமைக்க இருப்பதாகவும், சிவகார்த்திகேயன் நடித்த ‘டாக்டர்’ படத்தின் நாயகி பிரியங்கா மோகன் நாயகியாக நடிக்க இருப்பதாகவும் அறிவிக்கப்பட்டிருந்தது.

மேலும் இந்த திரைப்படத்தின் முக்கிய கேரக்டரில் சத்யராஜ் நடிக்க உள்ளதாகவும் சன் பிக்சர்ஸ் நிறுவனம் அறிவித்திருந்தது. இந்த நிலையில் இந்த படத்தின் பூஜை உடன் கூடிய படப்பிடிப்பு இன்று தொடங்கும் என ஏற்கனவே வெளிவந்த செய்தியைப் பார்த்தோம். இதனை அடுத்து சற்றுமுன் சன் பிக்சர்ஸ் நிறுவனம் தனது சமூக வலைத்தளத்தில் இந்த படத்தின் பூஜை நடைபெற்ற புகைப்படங்களை பதிவு செய்தது. இந்த புகைப்படங்கள் தற்போது வைரலாகி வருகிறது.

இதில் இயக்குனர் பாண்டியராஜன், இசையமைப்பாளர் டி.இமான், பிரியங்கா மோகன், சத்யராஜ், சரண்யா பொன்வண்ணன், இளவரசு, தேவதர்ஷினி உள்பட படக்குழுவினர் அனைவரும் கலந்து கொண்டனர். கொரோனா வைரஸால் பாதிக்கப்பட்டு சமீபத்தில் குணமான சூர்யா, தற்போது ஓய்வு எடுத்து வருவதால் அவர் இல்லாமலேயே ’சூர்யா 40’ படத்தின் பூஜை நடந்தாலும் விரைவில் இந்த படத்தின் படப்பிடிப்பில் சூர்யா கலந்து கொள்வார் என அறிவிக்கப்பட்டுள்ளது.

Get Breaking News Alerts From IndiaGlitz