close
Choose your channels

வாடிவாசல் நாயகனே, வாருங்கள் அரசியலுக்கு: சூர்யா ரசிகர்களின் பரபரப்பு போஸ்டர்!

Saturday, September 19, 2020 • தமிழ் Comments

’வாடிவாசல் நாயகனே வாருங்கள் அரசியலுக்கு’ என சூர்யாவின் ரசிகர்கள் மதுரையில் போஸ்டர் ஒட்டி இருப்பதால் பெரும் பரபரப்பு ஏற்பட்டுள்ளது

கடந்த சில மாதங்களாகவே மாஸ் நடிகர்களின் ரசிகர்கள் பரபரப்பான போஸ்டர்களை ஒட்டி வருகின்றனர் என்பது தெரிந்ததே. குறிப்பாக விஜய் ரசிகர்கள் விஜய் அரசியலுக்கு வரவேண்டும் என்றும் விஜய்யை எம்ஜிஆர் போல் உருவகப்படுத்தியும் பரபரப்பான போஸ்டர்கள் ஒட்டி வருகின்றனர். அதேபோல் ரஜினி குறித்தும் அவரது ரசிகர்கள் ஒட்டி வரும் போஸ்டர்கள் சமூக வலைதளங்களில் வைரல் ஆகி வருகிறது இந்த நிலையில் கடந்த சில நாட்களாக நீட் தேர்வு குறித்து சூர்யா வெளியிட்ட அறிக்கையால் தமிழகமே பரபரப்பில் இருக்கும் நிலையில் சூர்யாவின் ரசிகர்கள் தற்போது போஸ்டர் போரில் இறங்கி உள்ளனர்.

வாடிவாசல் நாயகனே அரசியல் களத்திற்கு வாருங்கள்
அநீதிக்கு எதிராக குரல் இனி அரசியலில் ஒலிக்கட்டும்
அறம் சார்ந்த அரசியலை முன்னெடுப்போம் வாருங்கள்

என மதுரையில் உள்ள சூர்யாவின் ரசிகர்கள் போஸ்டரை ஒட்டி பரபரப்பை ஏற்படுத்தியுள்ளனர். அதுமட்டுமின்றி சூர்யாவின் கட்சிக்கு ’இளம் காளைகள் கட்சி’ என்ற பெயரையும் அறிவித்துள்ளனர் என்பது குறிப்பிடத்தக்கது
 

Get Breaking News Alerts From IndiaGlitz