close
Choose your channels

சூர்யாவின் 'காப்பான்' ரிலீஸ் குறித்த தகவல்

Monday, February 11, 2019 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

சூர்யா நடித்து வரும் 'என்.ஜி.கே. திரைப்படத்தின் போஸ்ட் புரடொக்சன்ஸ் பணிகள் ஒருபுறம் விறுவிறுப்பாக நடைபெற்று வரும் நிலையில் இன்னொரு பக்கம் அவர் நடித்து வரும் படமான 'காப்பான்' திரைப்படத்தின் படப்பிடிப்பும் இறுதிக்கட்டத்தை நெருங்கியுள்ளது.

இந்த நிலையில் பிரதமரின் காப்பாளர் மற்றும் தேசிய பற்று மிகுந்த சூர்யாவின் கேரக்டர் அமைந்துள்ள இந்த படம் படத்தின் கதைக்கு ஏற்றாற்போல் வரும் ஆகஸ்ட் 15ஆம் தேதி சுதந்திரதினத்தன்று வெளியிட படக்குழுவினர் திட்டமிட்டுள்ளனர். ஒருவேளை இந்த தேதிக்குள் பணிகள் முடிவடையவில்லை என்றால் அக்டோபர் 2ஆம் தேதி காந்தி ஜெயந்தி அன்று வெளியாகும் என எதிர்பார்க்கப்படுகிறது.

மேலும் கடந்த 2009ஆம் ஆண்டு சூர்யா முக்கிய வேடத்தில் நடித்த 'ஆதவன்' மற்றும் 'அயன்' ஆகிய இரண்டு படங்கள் வெளியானதை அடுத்து 2019ஆம் ஆண்டுதான் சூர்யாவின் இரண்டு படங்கள் ஒரே ஆண்டில் வெளியாகிறது என்பது குறிப்பிடத்தக்கது.

சூர்யா, சாயிஷா, மோகன்லா, ஆர்யா, பொமன் இரானி, சமுத்திரக்கனி, பிரேம், உள்பட பலர் நடித்து வரும் இந்த படத்தை கே.வி.ஆனந்த் இயக்கி வருகிறார். ஹாரிஸ் ஜெயராஜ் இசையில் உருவாகி வரும் இந்த படத்தை லைகா நிறுவனம் தயாரித்து வருகிறது.
 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.