பிரபல இயக்குனர் செல்வராகவன் இயக்கத்தில் சூர்யா நடித்து வரும் 'சூர்யா 36' படத்தின் படப்பிடிப்பு விறுவிறுப்புடன் நடந்து வரும் நிலையில் இந்த படத்தில் சூர்யாவுக்கு அட்டகாசமான அறிமுக காட்சி வைக்கப்பட்டுள்ளதாக தற்போது தெரியவந்துள்ளது.

இந்த அறிமுக காட்சிக்கு பின்னணி இசையமைக்கும் முக்கிய பணியை தற்போது இந்த படத்தின் இசையமைப்பாளர் யுவன்ஷங்கர் ராஜா முடித்துள்ளார். பின்னணி இசை என்றாலே வெளுத்து வாங்கும் யுவன், இந்த அறிமுகக்காட்சிக்கு அமைத்துள்ள பின்னணி இசை அவரது ரசிகர்களை ஆட்டம்போட வைக்கும் என்று கூறப்படுகிறது.

மேலும் இந்த படம் செல்வராகவன் இயக்கிய 'புதுப்பேட்டை' போன்று அவருக்கு மிகப்பெரிய பெயரை பெற்றுத்தரும் படமாக இருக்கும் என்றும், அதற்கேற்ப இந்த படத்தின் பாடல்கள் மற்றும் பின்னணி இசை அபாரமாக இருக்கும் என்றும் கூறப்படுகிறது.

சூர்யா, சாய்பல்லவி, ரகுல் ப்ரித்திசிங், ஜெகபதிபாபு உள்ளிட்ட பலர் நடித்து வரும் இந்த படத்தை  ட்ரீம் வாரியர்ஸ் பிக்சர்ஸ் நிறுவனம் தயாரித்து வருகிறது.