close
Choose your channels

இயக்குனர் சுசீந்திரனின் அடுத்த பட ரிலீஸ் குறித்த தகவல்

Saturday, May 4, 2019 • தமிழ் Comments

'வெண்ணிலா கபடிக்குழு படத்தின் மூலம் இயக்குனராகி அதன் பின் பல வெற்றிப்படங்களை இயக்கிய இயக்குனர் சுசீந்திரன் தற்போது 'கென்னடி கிளப்', 'வெண்ணிலா கபடிக்குழு 2', 'ஏஞ்சலினா', மற்றும் 'சாம்பியன்' ஆகிய நான்கு திரைப்படங்களை இயக்கி வருகிறார். இவை அனைத்தும் இந்த ஆண்டிற்குள் வெளிவரும் என எதிர்பார்க்கப்படுகிறது

இந்த நிலையில் சுசீந்திரனின் தயாரிப்பில் உருவாகி படம் 'தோழர் வெங்கடேசன். சுசீந்திரன் இயக்கிய 'நான் மகான் அல்ல' படத்தில் உதவி இயக்குனராக இருந்த மகாசிவன் இந்த படத்தின் மூலம் இயக்குனராக அறிமுகமாகிறார். ஹரிசங்கர் என்பவர் இந்த படத்தில் ஹீரோவாக அறிமுகமாகிறார்

முற்றிலும் புதுமுகங்கள் நடித்துள்ள இந்த படத்திற்கு சகிஷ்னா இசையமைத்துள்ளார். வேதாச்சலம் ஒளிப்பதிவில் மகாசிவன் படத்தொகுப்பில் உருவாகியுள்ள இந்த படத்தில் இதுவரை தமிழ் சினிமாவில் சொல்லப்படாத காதல் பிரச்சனை ஒன்று கூறப்பட்டுள்ளதாம். இந்த நிலையில் இந்த படம் வரும் ஜூன் மாதம் வெளியாகும் என்றும், சரியான ரிலீஸ் தேதி இன்னும் ஒருசில நாட்களில் அறிவிக்கப்படும் என்றும் படக்குழுவினர் தெரிவித்துள்ளனர்.
 

Get Breaking News Alerts From IndiaGlitz