close
Choose your channels

ఫొటోలు తీశాడని యువకుడ్ని తాప్సీ ఏమందో చూడండి!

Monday, June 24, 2019 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

ఫొటోలు తీశాడని యువకుడ్ని తాప్సీ ఏమందో చూడండి!

హీరోయిన్ తాప్సీ గురించి ప్రత్యేకించి చెప్పనక్కర్లేదు. ఏదైనా సరే మొహమాటం లేకుండా ముఖాన్నే అడిగిపారేస్తుంటారు. అంతేకాదు తనకు నచ్చకపోతే ఏ మాత్రం ఆలస్యం చేయకుండా నిర్ధాక్షిణంగా తప్పుకుంటారు. అయితే సినిమా షూటింగ్ అనంతరం జరిగిన ఓ ఆసక్తికర విషయాన్ని ఇటీవల ఓ ఇంటర్వ్యూలో చెప్పుకొచ్చింది ఈ ముద్దుగమ్ము. షూటింగ్ పూర్తయిన తర్వాత తాప్సీ.. సోదరితో కలిసి సరదాగా బయటికెళ్లిందట. అయితే ట్రాఫిక్‌ సిగ్నల్‌ వద్ద ఓ వ్యక్తి దొంగ చాటుగా ఫోన్‌లో ఫొటోలు తీశాడు. ఈ విషయం గమనించిన ‘ఫోన్‌ లోపల పెడతావా? లేక పగలగొట్టనా?.. ముందు నువ్ తీసిన ఫొటోలు డెలీట్ చెయ్’ అని బెదిరించింది. అయితే ఆమె పక్కనే సోదరి మాత్రం భయపడి తానేమీ ఎరుగనట్లుగా ఉండిపోయిందట. తాప్సీ బెదిరింపులకు ఆ వ్యక్తి అక్కడ్నుంచి పారిపోయాడంట.

కాగా.. ‘బద్లా’ సినిమాలో నటిస్తున్న సమయంలో తాప్సిని చూసి సోదరి చాలా భయపడేదట. ఎందుకంటే ఆ సినిమాలో ఆ పాత్ర భయంకరమైనది గనుక. ఈ సినిమాలో తాప్సి ఓ వ్యక్తిని తనకు తెలీకుండానే చంపేస్తుంది. అలా నిజ జీవితంలో ఆ ఫొటోలు తీసిన వ్యక్తిని ఏం చేస్తుందో ఏమో అని తాప్సీ సోదరి పక్కనే నిల్చుని భయపడిందట.

సో.. ప్రైవేట్‌గా ప్రాంతాల్లో నటీనటులను కాస్త ఫ్రీగా ఉండనివ్వండి.. ఎంతసేపు సినిమాలు ఇవేనా వాళ్లు రిలీఫ్ కోసం తిరుగుతుంటారు.. ఇలాంటి సమయాల్లో ఇబ్బంది పెట్టడం తప్పు కదా. మరీ ముఖ్యంగా అనుమతి లేకుండా ఫోటోలు తీయడం అంటే పెద్ద తప్పే.. ఇలాంటి వాటికి దూరంగా ఉంటేనే మంచిదని సినీ విశ్లేషకులు చెబుతున్నారు.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.