రూమర్స్ పై తమన్నా క్లారిటీ...
- IndiaGlitz, [Saturday,April 29 2017]
మిల్కిబ్యూటీ తమన్నా బాహుబలి చిత్రంలో వ‌న్ ఆఫ్ ది హీరోయిన్‌గా న‌టించిన సంగ‌తి తెలిసిందే. మ‌హేంద్ర బాహుబలి అదేనండీ శివుడు పాత్ర‌లో న‌టించిన ప్ర‌భాస్ ల‌వ‌ర్‌గా న‌టించిన తమన్నా, ఫ‌స్ట్‌పార్ట్‌లో త‌న గ్లామ‌ర్‌తో ప్రేక్ష‌కుల‌ను అల‌రించింది. అంతే కాకుండా యాక్ష‌న్ స‌న్నివేశాల్లో కూడా చ‌క్క‌గా న‌టించింది. బాహుబలి పార్ట్ 1లో త‌మ‌న్నాను గ్లామ‌ర్‌గా చూపించి, అనుష్క‌ను డీ గ్లామ‌ర్‌గా చూపించాడు ద‌ర్శ‌కుడు రాజ‌మౌళి. అయితే బాహుబలి 2లో మాత్రం అనుష్క‌కే పెద్ద‌పీట వేశారు. తమన్నా రోల్‌ను ఐదు నిమిషాల‌కే ప‌రిమితం చేశారు.
త‌న పాత్ర‌ను ప‌ర‌మితం చేసినందుకనే తమన్నా పార్ట్ 2 ప్ర‌మోష‌న్స్‌లో ఎక్క‌డా క‌న‌ప‌డ‌లేద‌ని, ప్రి రిలీజ్ ఈవెంట్ త‌ర్వాత తమన్నా మీడియాకు త‌న ముఖం చూపించ‌లేద‌ని సోష‌ల్ మీడియాలో వార్త‌లు వినిపించాయి. అయితే ఈ వార్త‌ల‌కు తమన్నా క్లారిటీ ఇచ్చింది. త‌న‌కు రాజ‌మౌళి అంటే కోపం లేద‌ని, చాలా గౌర‌మ‌ని తెలిపిన తమన్నా, తాను త‌న ఇత‌ర సినిమా షూటింగ్‌లో బిజీగా ఉండ‌టం వ‌ల్ల బాహుబలి 2 షూటింగ్‌కు రాలేక‌పోయాన‌ని, ఈ విష‌యాన్ని ముందుగానే ద‌ర్శ‌కుడు రాజ‌మౌళిగారికి తెలియ‌జేశాన‌ని చెప్పి త‌న వంతు క్లారిటీని ఇచ్చింది మ‌రి.