விஜய் டிவியில் ஒளிபரப்பாக இருக்கும் பிக் பாஸ் நிகழ்ச்சியின் 7வது சீசனில் போட்டியாளராக கலந்து கொள்வார் என்று கூறப்பட்ட நடிகை ஒருவர் ’காட்டுக்குள் சென்றாலும் செல்வேனே தவிர, பிக் பாஸ் வீட்டுக்குள் செல்ல மாட்டேன் என பேட்டி ஒன்றில் தெரிவித்திருப்பது பரபரப்பை ஏற்படுத்தி உள்ளது.

விஜய் டிவியில் அக்டோபர் முதல் வாரம் பிக்பாஸ் 7வது சீசன் தொடங்கலாம் என்று கூறப்படும் நிலையில் இந்த சீசனில் மாகாபா ஆனந்த், ரோஷினி, ஊடகவியலாளர் ரஞ்சித், ஷகிலா மகள் மிலா, நடிகர் பிருத்விராஜ், நடிகை தர்ஷா குப்தா, குக் வித் கோமாளி பிரபலம் ரவீனா மற்றும் ரேகா நாயர் ஆகியோர் கலந்து கொள்ள வாய்ப்பு இருப்பதாக கூறப்படுகிறது

இந்த நிலையில் பிக் பாஸ் வீட்டுக்குள் செல்வது குறித்து கேள்வி ஒன்றை பதிலளித்த நடிகை ரேகா நாயர் ’என்னை ஒரு காட்டுக்குள் போய் இருக்க சொன்னால் கூட அங்கு எத்தனை நாட்கள் வேண்டுமானாலும் இருப்பேன். ஆனால் பிக் பாஸ் வீட்டுக்குள் கண்டிப்பாக போக மாட்டேன்.

நான் பிக் பாஸ் நிகழ்ச்சியில் கலந்து கொள்வதாக கடந்த மூன்று சீசன்களாக செய்திகள் வெளியாகி கொண்டிருக்கின்றன. அங்கு போக எனக்கு சுத்தமாக விருப்பமில்லை. 100 நாட்கள் அந்த வீட்டுக்குள் போய் இருப்பதற்கு பதிலாக தினமும் ஒரு மரம் என 100 மரங்கள் வைக்கலாம்’ என்று அவர் தெரிவித்துள்ளார்.