சிவாஜி கணேசன் முதல் அஜித் வரை.. இதுவரை பத்ம விருதுகள் பெற்ற தமிழ் நட்சத்திரங்கள்..!


Send us your feedback to audioarticles@vaarta.com


இன்று நாடு முழுவதும் குடியரசு தின கொண்டாட்டங்கள் நடைபெற்றுக் கொண்டிருக்கும் நிலையில் இதை ஒட்டி நேற்று பத்ம விருதுகள் அறிவிக்கப்பட்டது என்பதை பார்த்தோம். குறிப்பாக தமிழ் திரை உலகை சேர்ந்த அஜித்துக்கு பத்மபூஷன் விருது அறிவிக்கப்பட்டுள்ளது.
மேலும் நடிகை ஷோபனா மற்றும் நடிகர் பாலையாவுக்கும் பத்மபூஷன் விருதுகள் அறிவிக்கப்பட்டுள்ளன. இந்நிலையில் இதற்கு முன் தமிழ் திரையுலகில் பத்ம விருதுகள் பெற்ற நட்சத்திரங்கள் குறித்து பார்ப்போம்.
கடந்த 1966 ஆம் ஆண்டு நடிகர் திலகம் சிவாஜி கணேசனுக்கு பத்மஸ்ரீ விருது வழங்கப்பட்டது. அதன்பின் 18 ஆண்டுகள் கழித்து அதாவது 1984ஆம் ஆண்டு அவருக்கு பத்ம பூஷன் விருது வழங்கப்பட்டது.
அதன் பின் கடந்த 2000ஆம் ஆண்டு தமிழ் திரையுலகின் சூப்பர் ஸ்டார் ரஜினிகாந்த் அவர்களுக்கு பத்மபூஷன் விருது வழங்கப்பட்டது. அதனையடுத்து 2016ஆம் ஆண்டு அவருக்கு பத்ம விபூஷன் விருது வழங்கப்பட்டது.
இதனை அடுத்து உலக நாயகன் கமல்ஹாசனுக்கு 1990ஆம் ஆண்டு பத்ம ஸ்ரீ விருது வழங்கப்பட்ட நிலையில் 2014ஆம் ஆண்டு பத்ம விபூஷன் விருது வழங்கப்பட்டது.
கடந்த ஆண்டு மறைந்த கேப்டன் விஜயகாந்த் அவர்களுக்கு பத்மபூஷன் விருது வழங்கப்பட்டுள்ளது. இந்த நிலையில் இந்த ஆண்டு நடிகர் அஜித்குமாருக்கு பத்ம பூஷன் விருது வழங்கப்பட்டுள்ளது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
-
Aadhira Palani
Contact at support@indiaglitz.com
Comments