close
Choose your channels

12ஆம் வகுப்பு மதிப்பெண் கணக்கிடுவது இப்படித்தான்: முதல்வர் ஸ்டாலின் அறிவிப்பு!

Saturday, June 26, 2021 • தமிழ் Comments

12ஆம் வகுப்பு மாணவர்களுக்கு மதிப்பெண் கணக்கு இப்படித்தான் என முதல்வர் ஸ்டாலின் அவர்கள் சற்றுமுன் அறிவித்துள்ளார். முதல்வர் அறிவித்துள்ள 12ஆம் வகுப்பு மதிப்பெண் கணக்கிடும் முறை குறித்து தற்போது பார்ப்போம்.

* 10ஆம் வகுப்பு பொதுத் தேர்வில் 50 சதவீத மதிப்பெண் கணக்கிடப்படும். அதிக மதிப்பெண் பெற்ற மூன்று பாடங்களில் சராசரி கணக்கில் எடுத்துக் கொள்ளப்படும்.

* 11ஆம் வகுப்பு பொதுத் தேர்வில் 20 சதவீத மதிப்பெண் கணக்கிடப்படும். ஒவ்வொரு பாடத்திலும் பெற்ற எழுத்துமுறை மதிப்பெண்கள் மட்டும் கணக்கிடப்படும்.

* 12ஆம் வகுப்பு செய்முறைத் தேர்வில் பெற்ற மதிப்பெண்கள் மற்றும் அகமதிப்பீட்டில் பெற்ற 10 மதிப்பெண்கள் முழுவதுமாக கணக்கிடப்படும். செய்முறை தேர்வு இல்லாத பாடங்களில் அகமதிப்பீட்டில் பெற்ற மதிப்பெண் 30 மதிப்பெண்களுக்காக மாற்றப்பட்டு கணக்கிடப்படும்.

* செய்முறை தேர்வு இல்லாத மாணவர்களுக்கு அகமதிப்பீடு 30 மதிப்பெண் மாற்றம் செய்யப்படும்

மேலும் பள்ளி கல்வித்துறை முதன்மை செயலாளர் தலைமையில் அமைக்கப்பட்ட குழு தந்த அடிப்படையில் இந்த முடிவு எடுக்கப்பட்டுள்ளது என்றும் கணக்கீட்டு முறையில் மதிப்பெண் குறைவாக இருப்பதாக கருதினால் பிளஸ்-2 தேர்வு எழுத வாய்ப்பு வழங்கப்படும் என்றும் முதல்வர் தெரிவித்துள்ளார். மேலும் தனித்தேர்வர்களுக்கு கொரோனா தொற்று குறைந்தவுடன் தக்க சமயத்தில் தேர்வு நடத்தப்படும் என்றும் தனித்தேர்வர்களுக்கான தேர்வு கால அட்டவணை பின்னர் அறிவிக்கப்படும் என்றும் முதலமைச்சர் தெரிவித்துள்ளார்

 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz