இயக்குநர் டி ராஜேந்தர் கடந்த சில நாட்களாக உடல் நலமின்றி மருத்துவமனையில் சிகிச்சை பெற்று வரும் நிலையில் அவரது உடல் நலம் குறித்து தமிழக முதல்வர் முக ஸ்டாலின் நேரில் சென்று விசாரித்தார்.

இயக்குனரும் நடிகர் சிம்புவின் தந்தையுமான டி ராஜேந்தர் கடந்த சில நாட்களுக்கு முன்னர் திடீரென மாரடைப்பு காரணமாக மருத்துவமனையில் அனுமதிக்கப்பட்டார். அதன் பின்னர் சென்னை போரூரில் உள்ள தனியார் மருத்துவமனையில் தற்போது தீவிர சிகிச்சை பிரிவில் சிகிச்சை பெற்று வருவதாக தகவல்கள் வெளியாகியுள்ளன. மேலும் விரைவில் அவர் அமெரிக்காவுக்கு மேல்சிகிச்சைக்காக செல்ல இருப்பதாகவும் கூறப்படுகிறது.

இந்த நிலையில் தமிழக முதல்வர் முக ஸ்டாலின் மற்றும் அமைச்சர் கேஎன் நேரு ஆகியோர் டி ராஜேந்தர் சிகிச்சை பெற்று வரும் மருத்துவமனைக்கு நேரில் சந்தித்து அவரது உடல் நலம் குறித்து விசாரித்தனர். இந்த சந்திப்பு குறித்த புகைப்படங்கள் இணையதளங்களில் வைரலாக வருகின்றன.