4 நாள் வசூலில் சூப்பர் ஹிட் பட்டியலில் இணைந்த 'தமிழ்ப்படம் 2'
- IndiaGlitz, [Monday,July 16 2018]
சிவா நடிப்பில் சி.எஸ்.அமுதன் இயக்கத்தில் கடந்த வியாழன் அன்று வெளியான 'தமிழ்ப்படம் 2' திரைப்படம் பெரிய ஸ்டார்களின் படங்களுக்கு இணையாக ஒப்பனிங் வசூலை பெற்று அனைவரையும் ஆச்சரியப்படுத்தியுள்ளது.
இந்த படம் சென்னையில் கடந்த வாரயிறுதி நாட்களில் 18 திரையரங்குகளில் 254 காட்சிகள் திரையிடப்பட்டு ரூ.1,40,83,763 வசூல் செய்துள்ளது. மேலும் திரையரங்குகளில் 95% பார்வையாளர்கள் கூடியிருந்ததே இந்த படம் சூப்பர் ஹிட்டானதற்கு சான்றாக உள்ளது.
மேலும் இந்த படம் கடந்த வியாழன் முதல் ஞாயிறு வரையிலான நான்கு நாட்களில் சென்னையில் மட்டும் ரூ.2,03,47,895 வசூல் செய்து நான்கு நாட்கள் வசூலில் சுப்பர் ஹிட் பட பட்டியலில் இணைந்துள்ளது.