బెల్లంకొండ శ్రీ‌నివాస్‌తో తేజ చిత్రం
- IndiaGlitz, [Tuesday,June 19 2018]
గ‌తేడాది విడుద‌లైన 'నేనే రాజు నేనే మంత్రి'తో మ‌ళ్ళీ స‌క్సెస్ ట్రాక్ ఎక్కేశారు సెన్సేష‌నల్ డైరెక్ట‌ర్ తేజ. ఆ సినిమా త‌రువాత 'య‌న్‌.టి.ఆర్' బ‌యోపిక్‌, వెంక‌టేష్‌తో ఓ సినిమా చేయాల్సి ఉన్నా.. కొన్ని కార‌ణాల వ‌ల్ల ఆ రెండు ప్రాజెక్ట్స్ నుంచి తేజ బ‌య‌ట‌కు వ‌చ్చేశారు.
ఆ త‌రువాత 'నేనే రాజు నేనే'మంత్రి క‌థానాయ‌కుడు రానాతో ఓ సినిమా చేయ‌బోతున్న‌ట్లు వార్త‌లు వ‌చ్చాయి. అయితే.. తాజా స‌మాచారం ప్ర‌కారం యువ క‌థానాయ‌కుడు బెల్లంకొండ శ్రీ‌నివాస్‌తో తేజ సినిమా చేసే అవ‌కాశ‌ముంద‌ని క‌థ‌నాలు వినిపిస్తున్నాయి. ఓ వైవిధ్యమైన క‌థాంశంతో రూపొంద‌నున్న ఈ సినిమాలో బెల్లంకొండ శ్రీ‌నివాస్ డిఫ‌రెంట్ లుక్‌లో క‌నిపించ‌నున్నార‌ని స‌మాచారం. త్వ‌ర‌లోనే ఈ ప్రాజెక్ట్‌పై క్లారిటీ వ‌స్తుంది.
ప్ర‌స్తుతం బెల్లంకొండ శ్రీ‌నివాస్ 'సాక్ష్యం' చిత్రంలో న‌టిస్తున్నారు. అలాగే నూత‌న ద‌ర్శకుడు శ్రీ‌నివాస్‌తోనూ ఓ సినిమా చేస్తున్నారు.