తెలంగాణలో మహిళా ఎమ్మెల్యేకు కరోనా పాజిటివ్
- IndiaGlitz, [Saturday,July 04 2020]
తెలంగాణలో కరోనా విజృంభిస్తోంది. కేసుల సంఖ్య రోజు రోజుకూ అనూహ్యంగా పెరుగుతోంది. వైద్యులతో పాటు ప్రజా ప్రతినిధులు సైతం కరోనా బారిన పడుతున్నారు. తెలంగాణలో ఇప్పటికే హోం మంత్రి, ముగ్గురు ఎమ్మెల్యేలు, కాంగ్రెస్ సీనియర్ నేత వీహెచ్ కరోనా బారిన పడగా.. తాజాగా మరో ఎమ్మెల్యేకు కరోనా పాజిటివ్‌గా నిర్ధారణ అయ్యింది. ప్రభుత్వ విప్, ఆలేరు ఎమ్మెల్యే గొంగడి సునీతకు కరోనా పాజిటివ్ అని తేలింది. నాలుగు రోజులుగా సునీత కరోనా లక్షణాలతో బాధపడుతుండగా... టెస్టు చేయించుకోగా కరోనా పాజిటివ్‌గా నిర్ధారణ అయింది. దీంతో ఆమె చికిత్స నిమిత్తం యశోదాలో చేరారు.