புதிய பாய் பிரண்டுடன் அவள், நான் தான் தற்குறி என தாடி பாலாஜியின் WhatsApp மீம் தற்போது இணையத்தில் வைரல் ஆகி வருகிறது.

விஜய் டிவியில் பிரபலமாக இருந்த தாடி பாலாஜி சில திரைப்படங்களிலும் காமெடி நடிகராக நடித்தார். இந்த நிலையில், திடீரென அவர் சமீபத்தில் விஜய்யின் தமிழக வெற்றி கழகத்தில் இணைந்தார் என்பதும் தெரிந்தது.

இந்த நிலையில், தமிழக வெற்றி கழகத்தின் நிர்வாகிகள் பட்டியல் சமீபத்தில் வெளியான நிலையில் அதில் எந்தவிதமான பொறுப்பும் தாடி பாலாஜிக்கு அளிக்கப்படவில்லை. இது குறித்து பல்வேறு கேள்விகள் எழுப்பப்பட்டன.

இந்த நிலையில் திடீரென தனது WhatsApp ஸ்டேட்டஸ் ஆக தாடி பாலாஜி "ஹாப்பியாக இருக்கா, புதிய பாய்பிரண்ட் உடன்.. தற்குறி நான் அவள் நினைவோடு இருக்கிறேன்" என்று சொல்லும் வகையில் பதிவு செய்து, விஜய்க்காக தனது நெஞ்சில் பதிவு செய்த டாட்டூ புகைப்படத்தையும் மீம்சாக பதிவு செய்துள்ளார்.

அந்த மீம்ஸ் பதிவில், சமீபத்தில் இணைந்த ஆதவ் அர்ஜுனாவுக்கு மிகப்பெரிய பொறுப்பு கொடுக்கப்பட்ட நிலையில், அவரை புஸ்ஸி ஆனந்த் வரவேற்கும் காட்சியும் உள்ளன. இதனை அடுத்து, நேற்று வந்த ஆதவ்வுக்கு பதவி கிடைத்த நிலையில், தனக்கு எந்த பதவியும் கிடைக்கவில்லை என்பதை மறைமுகமாக கூறுகிறாரா என்ற கருத்தை நெட்டிசன்கள் எழுப்பி வருகின்றனர். இந்த மீம்ஸ் பதிவு தற்போது இணையத்தில் வைரல் ஆகி வருகிறது.