'வலிமை' அப்டேட்டே இன்னும் வரல, அதுக்குள்ள 'தல 61' அப்டேட்டா?
- IndiaGlitz, [Thursday,April 29 2021]
தல அஜித் நடிப்பில் ஹெச் வினோத் இயக்கத்தில் போனிகபூர் தயாரிப்பில் உருவாகி வரும் ’வலிமை’ படத்தின் ஃபர்ஸ்ட்லுக் போஸ்டர் மே 1ஆம் தேதி வரும் என்று எதிர்பார்த்த நிலையில் சமீபத்தில் வெளியான அறிக்கையில் ’வலிமை’ படத்தின் பர்ஸ்ட் லுக் போஸ்டர் ரிலீஸ் தள்ளி வைக்கப்படுவதாக அறிவிக்கப்பட்டது அஜித் ரசிகர்களுக்கு பெரும் அதிருப்தியை ஏற்படுத்தியது
இந்த நிலையில் ’வலிமை’ படத்தின் அப்டேட்டே இன்னும் வராத நிலையில் அஜீத் நடிக்கவுள்ள அடுத்த திரைப்படமான ’தல 61’ படத்திற்காக செய்திகள் சமூக வலைத்தளத்தில் வைரலாகி வருகிறது. ஏற்கனவே ’நேர்கொண்டபார்வை’ ’வலிமை’ ஆகிய படங்களை இயக்கிய ஹெச் வினோத் தான் இந்த படத்தையும் இயக்க விருப்பதாகவும் அவர் கூறிய அதிரடி ஆக்ஷன் கதை ஒன்று அஜித்துக்கு பிடித்துவிட்டால் உடனே ஓகே செய்து விட்டதாகவும், இந்த படமும் ஒரு ஆக்ஷன் கலந்த த்ரில்லர் படம் என்றும் கூறப்படுகிறது
மேலும் இந்த படத்தின் ஆரம்பகட்ட பணிகள் தொடங்கி விட்டதாகவும் ஜூன் மாதம் முதல் படப்பிடிப்பு தொடங்க உள்ளதாகவும் கூறப்படுகிறது. இந்த படத்தில் அஜித்தை புதிய வித்தியாசமான ஆக்ஷன் ஹீரோவாக காட்டுவதற்கு இயக்குனர் திட்டமிட்டுள்ளதாக கூறப்படுகிறது
’வலிமை’ படத்தின் அப்டேட் எப்போது வரும் என்று தெரியாத நிலையில், அந்த படம் எப்போது ரிலீசாகும் என்று தெரியாத நிலையில் ’தல 61’ படத்தின் படப்பிடிப்பு இன்னும் ஒரு சில மாதங்களில் தொடங்கும் என்று வெளிவரும் செய்து அஜித் ரசிகர்களுக்கு ஆனந்தமான செய்தி தான். ஆனால் அதே நேரத்தில் மீண்டும் போனிகபூர் தான் இந்த படத்தை தயாரிக்க இருக்கிறார் என்பதால் இந்த படத்தின் அப்டேட்டும் அவ்வளவு எளிதில் வராது என்ற வருத்தத்தில் அஜித் ரசிகர்கள் உள்ளனர்