தல அஜித் நடிப்பில் பொங்கல் விருந்தாக வெளியாகிய 'விஸ்வாசம்' திரைப்படம் உலகம் முழுவதும் ஃபேமிலி பார்வையாளர்களின் மாபெரும் ஆதரவை பெற்று ரூ.100 கோடிக்கும் அதிகமாக வசூல் செய்து சாதனை புரிந்து வருகிறது.

இந்த நிலையில் இந்த படத்தில் தல அஜித் தனது டெக்னாலஜி திறமையையும் வெளிப்படுத்தியுள்ள செய்தி வெளியாகியுள்ளது. அஜித் கடந்த சில வருடங்களாக ஆளில்லா விமானம் தயாரிப்புக்கு பயிற்சி அளித்து வருகிறார் என்பதும் இவரிடம் பயிற்சி பெற்ற மாணவர்கள் உலக அளவில் சாதனை புரிந்து வருவதும் தெரிந்ததே.

அந்த வகையில் 'விஸ்வாசம்' படத்தின் ஒருசில காட்சிகளில் ஹெலிகேமிரா பயன்படுத்தப்பட்டதாகவும், இந்த காட்சிகள் அஜித்தின் ஆலோசனையின்படி படமாக்கப்பட்டதாகவும், ஒருசில காட்சிகளை அவரே ஒளிப்பதிவு செய்ததாகவும் கூறப்படுகிறது. இதுகுறித்த புகைப்படங்களும் இணையதளங்களில் வைரலாகி வருகிறது என்பது குறிப்பிடத்தக்கது.