அஜித் தான் இதற்கு முழு காரணம். சாந்தனு பாக்யராஜ்
- IndiaGlitz, [Thursday,February 23 2017]
கோலிவுட் திரையுலகில் அறிமுக நடிகர், நடிகைகளும், வளர்ந்து வரும் நட்சத்திரங்களும் தங்கள் படங்களின் ரிலீசின்போது அஜித் குறித்து ஏதாவது சொல்லி தங்கள் படங்களுக்கு புரமோஷன் செய்வதை வழக்கமாகி கொண்டுள்ளனர். பல படங்களில் அஜித் நடிக்கவில்லை என்றாலும் அவரது பெயரை வைத்துதான் புரமோஷன் செய்யப்பட்டு வருகிறது.
இந்நிலையில் வரும் மார்ச் மாதம் 3ஆம் தேதி சாந்தனு பாக்யராஜின் 'முப்பரிமாணம்' வெளியாகவுள்ள நிலையில் அஜித் குறித்த ஒரு தகவலை சாந்தனு தனது சமூக வலைத்தளத்தில் கூறியுள்ளார்.
இந்த படத்தில் ஒரு கார் சேசிங் காட்சி உள்ளதாகவும், அந்த காட்சி சிறப்பாக அமைய அஜித் நடித்த படங்களின் கார் சேசிங் காட்சிகள் உத்வேகமாக இருந்ததாகவும் சாந்தனு கூறியுள்ளார்.
சாந்தனு, ஸ்ருஷ்டி டாங்கே, தம்பிராமையா, அப்புக்குட்டி உள்பட பலர் நடித்துள்ள இந்த படத்தை அதிரூபன் இயக்கியுள்ளார். ஜி.வி.பிரகாஷ் இசையமைப்பில், ராசாமதி ஒளிப்பதிவில் விவேக் ஹர்சன் படத்தொகுப்பில் இந்த படம் உருவாகியுள்ளது