'விவேகம்' அஜித்தை வேற லெவலுக்கு கொண்டு செல்லும். சிறுத்தை சிவா
- IndiaGlitz, [Wednesday,May 17 2017]
தல அஜித் நடித்து முடித்துள்ள 'விவேகம்' படத்தின் படப்பிடிப்பு முடிவடைந்து படக்குழுவினர் ஐரோப்பாவில் இருந்து சென்னை திரும்பிவிட்டனர். தற்போது இந்த படத்தின் போஸ்ட் புரடொக்ஷன்ஸ் பணிகள் ஒருபுறமும், இன்னொரு புறம் இந்த படத்தின் வியாபாரமும் விறுவிறுப்பாக நடந்து வருகிறது.
இந்த நிலையில் சென்னை திரும்பிய படக்குழுவினர் படத்தின் ரஷ்ஷை பார்த்து ஆச்சரியம் அடைந்துள்ளார்களாம். எதிர்பார்த்ததை விட படம் சூப்பராக வந்துள்ளதாகவும், நிச்சயம் இந்த படம் அஜித் ரசிகர்களுக்கு செம விருந்தாக இருக்கும் என்றும் கூறி வருகின்றார்கள்
இயக்குனர் சிறுத்தை சிவா 'விவேகம்' படத்திற்கு முன்னர் அஜித் நடித்த 'வீரம்' மற்றும் 'வேதாளம்' ஆகிய படங்களை இயக்கியிருந்தாலும் முந்தைய படங்களின் சாயல் சிறிதுகூட இல்லாமல் இந்த படத்தை இயக்கியுள்ளாராம். இதுவரை சிறுத்தை சிவா என்று அழைக்கப்பட்டு வரும் அவர் இந்த படம் வெளிவந்த பின்னர் 'விவேகம்' சிவா என்று அழைக்கப்படுவார் என படக்குழுவினர் நம்பிக்கையுடன் கூ'றி வருகின்றனர்.
அதேபோல் அஜித் இதுவரை நடித்துள்ள 56 படங்களின் சாயல் சிறிதுகூட இந்த படத்தில் இருக்காது என்றும், இந்த படம் அஜித்தை வேற லெவலுக்கு கொண்டு செல்லும் என்றும் இயக்குனர் சிவா தனக்கு நெருக்கமானவர்களிடம் கூறி வருவதாக செய்திகள் வெளிவந்துள்ளது.