'தலைவர் 171' படத்தில் ரஜினியின் கேரக்டர் இதுவா? மாஸ் தகவல்..!
- IndiaGlitz, [Sunday,March 31 2024]
சூப்பர் ஸ்டார் ரஜினிகாந்த் நடிப்பில், லோகேஷ் கனகராஜ் இயக்கத்தில், சன் பிக்சர்ஸ் நிறுவனத்தின் தயாரிப்பில் அனிருத் இசையில் உருவாக இருக்கும் திரைப்படம் ’தலைவர் 171’ . இந்த படத்தின் டைட்டில் டீசர் ஏப்ரல் 22ஆம் தேதி வெளியாகும் என்று அறிவிக்கப்பட்டுள்ள நிலையில் இந்த படத்தின் கதை குறித்த தகவல் தற்போது வெளியாகியுள்ளது.
ஏற்கனவே இந்த படத்தின் பர்ஸ்ட் லுக் போஸ்டர் சமீபத்தில் வெளியான நிலையில் அதில் தங்கத்தினால் ஆன கைவிலங்கை ரஜினிகாந்த் போட்டிருக்கும் நிலையில் பல்வேறு கதைகள் யூகம் செய்யப்பட்டது. மேலும் பின்னணியில் கடிகார வடிவமைப்பு இருந்ததை அடுத்து இந்த படம் டைம் ட்ராவல் படமாக இருக்கலாம் என்றும் கூறப்பட்டது.
ஆனால் தற்போது வந்துள்ள தகவலின்படி இந்த படத்தில் ரஜினிகாந்த் தங்கத்தை கடத்தும் ஒரு கடத்தல்காரர் கேரக்டரில் நடிப்பதாக கூறப்படுகிறது. ஏற்கனவே இந்த படத்தின் கதை குறித்து சமீபத்தில் லோகேஷ் கனகராஜிடம் கேட்டபோது ’ஒவ்வொருவரும் ஒவ்வொரு மாதிரி சொல்கிறார்கள், ஆனால் நாங்கள் வேற மாதிரி எழுதி வைத்திருக்கிறோம் என்று கூறிய நிலையில் அவருடைய வேற மாதிரி எழுத்து என்பது தங்கக் கடத்தல்காரன் கதையா என்ற கேள்வி தற்போது எழுப்பப்பட்டுள்ளது.
மொத்தத்தில் ரஜினிகாந்த் நெகட்டிவ் கேரக்டரில் நடித்த அனைத்து படங்களும் சூப்பர் ஹிட் ஆகியுள்ள நிலையில் இந்த படமும் அதே போல் வெற்றி பெறுமா என்பதை பொறுத்திருந்து பார்ப்போம்.