நாசர் மகனை நெகிழ்ச்சி அடைய செய்த விஜய்
- IndiaGlitz, [Monday,December 03 2018]
நடிகர் சங்க தலைவர் நாசரின் மகன் பைசல் கடந்த 2014ஆம் ஆண்டு கிழக்கு கடற்கரை சாலையில் ஏற்பட்ட சாலை விபத்து ஒன்றில் சிக்கி படுகாயம் அடைந்து மறுபிறவி எடுத்து பிழைத்தார் என்பதும் தளபதி விஜய்யின் தீவிர ரசிகரான ஃபைசலை விஜய் அவ்வப்போது சந்தித்து நலம் விசாரித்து வருகிறார் என்பதும் தெரிந்ததே.
இந்த நிலையில் ஃபைசலின் பிறந்த நாள் சமீபத்தில் கொண்டாடப்பட்டது. இந்த பிறந்த நாள் விழாவில் ஃபைசலின் நண்பர்கள் சிறப்பாக நடத்தி கொண்டிருந்தபோது இன்ப அதிர்ச்சியாக தளபதி விஜய் நேரில் வந்து பிறந்த நாள் வாழ்த்துக்கள் கூறினார். அதுமட்டுமின்றி பிறந்த நாள் கேக்கை விஜய் கையில் ஏந்த, மெழுகுவர்த்திகளை ஏற்றினார் ஃபைசல். ஒரு மிகப்பெரிய நடிகர் ஒருவர் தனது ரசிகருக்காக கேக்கை கையில் ஏந்திய எளிமை போற்றத்தக்கதாக கருதப்படுகிறது.
இதுகுறித்து ஃபைசலின் தாயார் கமீலா தனது சமூகவலைத்தளத்தில் 'விஜய்யின் தீவிர ரசிகரான தனது மகனின் கனவு நனவாகியதாகவும், இந்த பிறந்த நாளில் தனது மகனுக்கூ வாழ்த்து தெரிவித்த விஜய்க்கு நன்றி என்றும் அவர் தெரிவித்துள்ளார்.