close
Choose your channels

தளபதி விஜய்யின் 'மாஸ்டர்' ரன்னிங் டைம் இவ்வளவா? ரொம்ப நீளமாயிருக்கே!

Tuesday, December 29, 2020 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

தளபதி விஜய் நடித்த ‘மாஸ்டர்’ திரைப்படம் வரும் பொங்கல் தினத்தில் ரிலீஸ் ஆவது கிட்டத்தட்ட உறுதி என்ற தகவல்கள் வெளிவந்து கொண்டிருக்கின்றன. மேலும் இந்த படத்தின் மாஸ் அப்டேட் இன்று மதியம் 12.30 மணிக்கு வெளியாக உள்ளதாக படக்குழுவினர் நேற்று அதிகாரபூர்வமாக அறிவித்தார்கள் என்பது குறிப்பிடத்தக்கது. இன்று வெளியாகும் அந்த அறிவிப்பு ‘மாஸ்டர்’ படத்தின் டிரைலர் வெளியீடு தேதி அல்லது ரிலீஸ் தேதி குறித்த அறிவிப்பாக இருக்கலாம் என்று எதிர்பார்க்கப்படுகிறது

இந்த நிலையில் சமீபத்தில் ‘மாஸ்டர்’ திரைப்படத்தின் சென்சார் பணிகள் முடிந்தது என்றும் இந்த படத்திற்கு சென்சார் அதிகாரிகள் ’யூஏ’ சான்றிதழ் அளித்தனர் என்பதையும் பார்த்தோம். இந்த நிலையில் தற்போது ‘மாஸ்டர்’ படத்தின் ரன்னிங் டைம் குறித்த தகவல் வந்துள்ளது

இந்த படத்தின் ரன்னிங் டைம் 178 நிமிடங்கள் என்று கூறப்படுகிறது. அதாவது கிட்டத்தட்ட மூன்று மணி நேரம் இந்த படம் ரன்னிங் டைம் ஆக உள்ளது என்பது குறிப்பிடத்தக்கது. கடந்த சில வருடங்களாகவே இரண்டு அல்லது இரண்டரை மணி நேரத்திற்குள் அனைத்து படங்களும் முடிவடையும் நிலையில் 3 மணி நேரம் என்பது கொஞ்சம் நீளம் அதிகமாக இருக்கின்றதே என்று சினிமா ரசிகர்கள் கருத்து தெரிவித்து வருகின்றனர்

இருப்பினும் விஜய், விஜய்சேதுபதி மற்றும் லோகேஷ் கனகராஜ் ஆகியோர் இணைந்து விறுவிறுப்பான படத்தை கொடுத்திருப்பார்கள் என்றும், அதனால் 3 மணி நேரம் என்பது படத்திற்கு குறையாக இருக்காது என்றும் விஜய் ரசிகர்கள் கருத்து தெரிவித்து வருகின்றனர்
 

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.