விஜய் அரசியல் கட்சியின் முக்கிய அறிவிப்பு.. ஆட்சேபனை இருந்தால் தெரியப்படுத்தலாம்..!
- IndiaGlitz, [Saturday,May 11 2024]
தளபதி விஜய் கடந்த சில மாதங்களுக்கு முன் தமிழக வெற்றிக் கழகம் என்ற அரசியல் கட்சியை தொடங்கிய நிலையில் இந்த கட்சியின் முக்கிய அறிவிப்பு வெளியாகி உள்ள நிலையில் இந்த அறிவிப்பு குறித்து யாருக்காவது ஆட்சேபனை இருந்தால் அதனை தேர்தல் ஆணையத்திற்கு தெரிவிக்கலாம் என்று குறிப்பிடப்பட்டுள்ளது.
நடிகர் விஜய் தமிழக வெற்றிக் கழகம் என்ற அரசியல் கட்சியை கடந்த சில மாதங்களுக்கு நுன் ஆரம்பித்தார் என்பதும் இந்த கட்சியின் ஒரு சில அதிகாரப்பூர்வ அறிவிப்புகளும் வெளியானது என்பது தெரிந்தது. இந்த நிலையில் இந்த கட்சியின் நிர்வாகிகள் அறிவிக்கப்பட்டுள்ள நிலையில் இந்த நிர்வாகிகள் விஷயத்தில் ஆட்சேபனை இருப்பவர்கள் இந்திய தேர்தல் ஆணையத்திற்கு தெரியப்படுத்தலாம் என பத்திரிகையில் பொது விளம்பரம் வெளியாகி உள்ளது.
இந்த விளம்பரத்தில் ’தமிழக வெற்றி கழகத்தின் தலைவர் ஜோசப் விஜய், கட்சியின் பொதுச்செயலாளர் ஆனந்த், பொருளாளர் வெங்கட்ராமன், தலைமை கழக செயலாளர் ராஜசேகரன், இணை கொள்கை பரப்பு செயலாளர் தகிரா என்றும் அறிவிக்கப்பட்டுள்ளது. இந்த நிலையில் தமிழக வெற்றிக் கழகம் பெயரை பதிவு செய்வதில் ஆட்சேபனை இருப்பவர்கள் இந்திய தேர்தல் ஆணையத்துக்கு தெரியப்படுத்தலாம் என பத்திரிகைகள் பொது விளம்பரம் வெளியாகி உள்ளது என்பது குறிப்பிடத்தக்கது.
2026 ஆம் ஆண்டு நடைபெறும் பொது தேர்தலில் தமிழக வெற்றிக் கழகம் போட்டியிடும் என்று விஜய் அறிவித்துள்ள நிலையில் அடுத்தடுத்த அரசியல் கட்சியின் நடவடிக்கைகள் எடுக்கப்பட்டு வருகின்றன என்பது குறிப்பிடத்தக்கது.