சென்னை திரும்பினார் விஜய்.. அடுத்தது 'தளபதி 67' படப்பிடிப்பா?
- IndiaGlitz, [Monday,November 14 2022]
தளபதி விஜய் நடித்து வரும் ’வாரிசு’ திரைப்படத்தின் படப்பிடிப்பு சமீபத்தில் முடிந்த நிலையில் இந்த படத்தின் டப்பிங் பணிகளும் நடைபெற்று வந்ததாக கூறப்பட்டது. இந்த நிலையில் விரைவில் ’தளபதி 67’ படத்தின் படப்பிடிப்பில் விஜய் கலந்து கொள்வார் என்றும் எதிர்பார்க்கப்பட்டது.
இந்த நிலையில் சமீபத்தில் விஜய் தனது குடும்பத்துடன் அமெரிக்காவுக்கு ஓய்வெடுக்க சென்றிருந்தார் என்று கூறப்பட்ட நிலையில் விஜய் தற்போது மீண்டும் சென்னை திரும்பி விட்டதாகவும் இதையடுத்து அவர் ’தளபதி 67’ படத்தின் படப்பிடிப்பில் விரைவில் கலந்து கொள்ள இருப்பதாகவும் தெரிகிறது.
ஆனால் தற்போது வந்துள்ள தகவலின் படி ’வாரிசு’ திரைப்படத்தில் ஒரு பாடல் காட்சி இன்னும் படமாக்கப்பட உள்ளதாகவும் அந்த படப்பிடிப்பில் விஜய் கலந்து கொள்ள இருப்பதாகவும் கூறப்படுகிறது. இந்த பாடல் காட்சியின் படப்பிடிப்பு கர்நாடகா மாநிலத்தில் உள்ள பெல்லாரியில் படமாக்க படக்குழுவினர் திட்டமிட்டுள்ளனர்.
இந்த நிலையில் ’வாரிசு’ படத்தின் போஸ்ட் புரடொக்ஷன் பணிகள் விறுவிறுப்பாக நடைபெற்று வருகிறது என்றும் இந்த படத்தை பொங்கல் தினத்தில் ரிலீஸ் செய்ய படக்குழுவினர் தயாராகி வருகின்றனர் என்பது குறிப்பிடத்தக்கது.
இந்த நிலையில் ’வாரிசு’ படத்தின் முதல் பாடலான ரஞ்சிதமே என்ற பாடல் சமீபத்தில் வெளியாகி மிகப்பெரிய வெற்றி பெற்றது என்பதும் தளபதி விஜய் மற்றும் எம்எம் மானஸி குரலில் உருவான இந்த பாடல் ரசிகர்களின் அமோக ஆதரவை பெற்றது என்பதும் தெரிந்ததே.
இதனையடுத்து ’வாரிசு’ அடுத்த சிங்கிள் பாடல் வெளியிடும் அறிவிப்பு விரைவில் வெளியாகும் என்று எதிர்பார்க்கப்படுகிறது. அனேகமாக இசையமைப்பாளர் தமனின் பிறந்த நாளான நவம்பர் 16-ஆம் தேதி இந்த பாடல் வெளியாக வாய்ப்பு இருப்பதாக கூறப்படுகிறது.
விஜய், ராஷ்மிகா மந்தனா பிரகாஷ்ராஜ், சரத்குமார், ஷாம், யோகிபாபு, பிரபு, ஜெயசுதா, ஸ்ரீகாந்த், சங்கீதா, சம்யுக்தா, உள்பட பலர் நடித்து வரும் இந்த படம் கார்த்திக் பழனி ஒளிப்பதிவில், பிரவிண் கே.எல் படத்தொகுப்பில் உருவாகி வருகிறது. தில் ராஜூ தயாரிப்பில் வம்சி இயக்கத்தில் உருவாகியிருக்கும் இந்த படம் தமிழ், தெலுங்கு மொழிகளில் உருவாகி வருகிறது.
#Vijay cute pic.twitter.com/nr4M31APWM
— ??️SHIVA??️ (@SHIVA10079086) November 13, 2022