'கபாலி' டீசர் ரிலீஸ் தேதி மற்றும் நேரம். எஸ்.தாணு அதிகாரபூர்வ அறிவிப்பு
- IndiaGlitz, [Saturday,April 30 2016]
சூப்பர் ஸ்டார் ரஜினிகாந்த் நடிப்பில் 'அட்டக்கத்தி' பா.ரஞ்சித் இயக்கத்தில் கலைப்புலி எஸ். தாணுவின் பிரமாண்டமான தயாரிப்பில் உருவாகியுள்ள 'கபாலி' திரைப்படத்தின் டீசர் தொழிலாளர் தினமான நாளை வெளிவரும் என்று ஏற்கனவே அறிவிக்கப்பட்டது என்பதை பார்த்தோம். இந்நிலையில் நாளை இந்த டீசர் வெளியாகும் நேரம் குறித்து தயாரிப்பாளர் தாணு தனது சமூக வலைத்தள பக்கத்தில் பதிவு செய்துள்ளார்.
இந்த படத்தின் டீசர் நாளை காலை 11 மணிக்கு தாணுவின் யூடியூப் சேனலில் வெளியாகவுள்ளது. எனவே நாளை காலை 11 மணி முதல் இணையதளங்களில் பெரும் பரபரப்பு ஏற்படும் என்பது உறுதியாகியுள்ளது.
ரஜினிகாந்த், ராதிகா ஆப்தே, தன்ஷிகா, கலையரசன், தினேஷ், ஜான்விஜய் உள்பட பலர் நடித்துள்ள 'கபாலி' படத்திற்கு சந்தோஷ் நாராயணன் இசையமைத்துள்ளார். இந்த படம் ஜூலையில் வெளியாகும் என எதிர்பார்க்கப்படுகிறது.